Registers van de Hollandse grafelijkheid 1299-1345

Graaf Willem III kent Adelise Jansdr., echtgenote van Jan van Rubroek, 50 pond Tournois toe in verband met een vordering die zij op hem had vanwege de verkoop door Wisse Gillisz. van Koudekerke van ambachten te Koudekerke en te Vlissingen aan graaf Floris V, hoewel niet te bewijzen was dat die vordering gegrond was; in ruil hiervoor schelden Adelise en Jan van Rubroek hem hun vordering van het gehele bedrag kwijt en overhandigen bewijsstukken terzake, die worden gecancelleerd.

Vgl. de in het register volgende nrs. ZE 94 en 95. Voor de in deze oorkonden genoemde verkoop door Gillis van Koudekerke van de ambachten van Koudekerke en Vlissingen aan graaf Floris V, die op 10 januari 1294 plaats vond, zie OHZ V nrs. 2849-2851.

De onderstaande tekst is gebaseerd op afschrift B.

Wi Willaem^a grave van Henegouwen^b etc. maken cond etc. dat Jan van Rubroec ende Adelise sijn wijf ons langhe tijd^c ghevolghet hebben omme scout die die grave Florens, daer God die ziele of hebben moet, sculdich soude wesen bleven Wisse Gillijs sone van Coudekerke alse van ghecoften ambochten te Coudekerke^d ende te Vlissinghe, daer meyster Willaem^e Loef ende Simon^f van der Hoghen een segghen of gheseghet souden hebben, ende van deser scout soude Adelise Jans dochter voerscreven die ene helfte toe behoren^g; van wilker scout wi niet gheproeven en konden weder wise sculdich waren jof en waren, mar omme Goids willen ende om bede van goeden luden soe hebben wi hoir te gratien ghedaen ende ghegheven voir^h hore helfte van der scout: vijftich pond Tornoisⁱ. Ende ombieden Vrederic onsen rentemeyster van Zelland^j dat hi hoir dese vijftich pond voirscreven gheve binnen deser meyen naist comende uyt onser bede; ende van alsoe vele^k zullen wi hem quiten met desen brieve in siere eirster rekeninghe. Ende hier bi hebben ons Jan ende Adelise voirscreven van allen eysken die zi eysken^l mochten tote op desen dach van huden toe quite ghescouden, ende ons ghelevert enen brief van den grave Florens voirs. ende enen brief van kennessen van den mannen alse van den cope ende^m van der scoud, die ghescoirt sien.

Ghegheven in Middelburchⁿ des donresdaghes na Paesdaghe int jaer ons Heren M CCC ende een ende twintich.