Registers van de Hollandse grafelijkheid 1299-1345

Graaf Willem III geeft heer Nicolaas Costijnsz. van Kats, ridder, en diens echtgenote Catharina, dochter van Gillis heer Dankardsz., het recht om heer Nicolaas' ambacht in Kats, Emelisse en Welle bij ontstentenis van een mannelijke nakomeling te vererven op hun twee dochters, waarbij hij mogelijke complicaties bij de erfopvolging regelt en de voorwaarde stelt dat die dochters slechts met zijn toestemming uitgehuwelijkt zullen worden; voorts scheldt heer Nicolaas de graaf gelden kwijt in verband met een nader omschreven borgstelling en enkele zoenregelingen, en belooft hij daartoe open brieven voor zich en andere betrokken partijen te zullen overleveren.

De onderstaande tekst is gebaseerd op afschrift B.

^a Wi Willaem^b grave van Henegouwen^c etc. maken cond etc. dat wi heren Niclayse^d Costijs^e sone van Cats, riddere, ende Katerinen^f sinen wive, Gillijs sheren Dankaerds sones^g dochter, omme menighen dienst die Gillijs heren Dankaerds sone hoir vader ons ghedaen hevet ende omme dienst die ons hair Niclays voers. ghedaen heeft ende noch doen zal, hem gratien ghedaen hebben dat zijn ambocht dat hi nu ter wilen hevet in Cats ende in Emelisse^h ende ter Wellenⁱ, ende houd jeghens elf hondert ^j mete, na sire doet comen sal op sine wittachtighe sone; ende storve hi sonder wittachtighe sone, soe soude dit^k voirseyde ambochte comen op Aechten ende Lizebetten^l sinen twien dochteren die hi nu hevet bi der^m Katerinenⁿ voers., op elkerlike even vele^o, ende die zullent van ons houden te^p rechten liene. Waer oec dat zake dat Katerine^q zijn wijf voir hem storve sonder sone ende ^r na hare doet een ander wijf name daer hi sonen bi wonne, die sonen souden behouden al tambocht dat heren Niclayse voirseyd van sinen vader^s bestorven ware, ende sine twie dochteren voirscreven souden behoude al tambocht^t dat hi seder sijns vaders^u doet^v tote deser tijd toe ghecoft hevet. Ende hier bi hevet hi ons gheloift dat hi sine dochteren voirs. niet mannen en sal, en si bi onsen wille; ende waer dat zake dat hijd dede buten onsen wille, soe soude dit ambocht voers. also groet als wijt sinen dochteren voers. beliet hadden vrielike an ons comen. Voird scelt hi ons quite van al dien ghelde dat wi ghenomen hebben van Gillijs borghen van Bairsdorpe^w alse van sine verboirnesse^x dat hi niet in Cipers en voere^y. Voird zal hi ons quiten jeghens die van Crayenem ende anders Jans des Rijs^z maghen ute Brabant^a' van hondert pond Tornois^b' alse van der voersoene^c' van Jans doet voers. Voird sal hi ons quiten jeghens heren Janne van der Dussen ende Henric^d' Clays sone van Cats alse van tsestich pond Tornois^e' die si in dat verendeel hebben souden te moetsoene van Jans doet voirs., ende jeghens die van Crayenem^f', oude^g' Jan Persijn^h' ende Haynrike^i' van Cats voirs. alse van tsestich pond Tornois^j' die si in hoir verendeel hebben souden te moetsoene. Ende van allen desen stucken voerscreven soe sal hi ons opene brieve leveren voir hem selven ende van allen den anderen van quitantie.

In orkonde etc. Ghegheven in Middelburch^k' des donresdaghes na Paeschen int jaer ons Heren M CCC ende een ende twintich.