Registers van de Hollandse grafelijkheid 1299-1345

Graaf Willem III verklaart dat Jan en Weute van Brigdamme de hun in verband met de dood van Moenijn Dints opgelegde boete van 80 pond Tournois geheel hebben betaald.

De onderstaande tekst is gebaseerd op afschrift B.

Wi Willaem^a grave van Henegouwen^b etc. maken cond etc. dat Jan ende^c Weute^d van Brugdamme^e tyeghens ons verdinghet hebben van Moenijn Dints doet ende van alre verboirnesse die si tieghens ons ghedaen hebben omme tachtich pond Tornois^f, daer si Vrederic onsen rentemeister van Zelland^g goede zekerhede^h of ghedaen hebbenⁱ, waer omme wise^j quite scelden met desen brieve van alre verboirnesse die si^k tote desen daghe toe^l jeghens ons misdaen hebben, also verre als si^m ons betoghen moghenⁿ met ons rentemeisters brieve voirs. dat si^o hem vol^p ende al betaelt hebben^q tghelt voirscreven.

In orkonde etc. Ghegheven in Middelburch^r des vridaghes na Paesdaghe int jaer ons Heren M CCC ende een ende twintich.