C
Graaf Willem III geeft de balling Willem Everdei Hugekijnszoonsz. van Biggekerke toestemming terug te keren naar diens bezittingen, onder voorwaarde dat hij degenen die die goederen van de graaf in pacht hebben schadeloos stelt, en dat achterstallige pachtsommen aan de graaf zullen worden uitbetaald; Willem verbindt zich op lijf en goed niet meer tegen de graaf te ageren.
Willam Everd Hugekijns z.
De onderstaande tekst is gebaseerd op afschrift B.
Wi Willaema grave van Henegouwenb, van Hollandc etc. maken cond allen luden dat wi Willamed Everdey Hughekijns soens sone van Bigghen kerkee, die onse ballinc was uyt onsen lande, onsen evelen moet vergheven hebben ende vergheven van alre broke ende mesdaet die hi tieghens ons medaen mocht hebben tote op den dach van heden, ende hebben hem onse land weder ghegheven ende ghevenf ende op sijn goet te comen also als hijt vint, ende te ghebruken onghemoyt; mar hi moet den ghenen ghenoech doen met redeliken zaken die zijn goed tieghens ons ghepacht hebben, zonder argenlist. Ende es men ons van sinen goede enich afterstal sculdich, dat zalmen ons betalen. Ende hier bi so heeft hem die voernoemde Willaemg Everdey tieghens ons verwilcoerd ende verbonden op sijn lijf ende op sijn goet nimmermeer tieghens ons noch tieghens onsen nacomelinghen te setten noch te misdoeneh in gienre maniere, bi gienen list; ende waer dat zake dat hijt dede, so hadde hi tieghens ons verboerd lijf ende goed, ende dat zal staen te proevenei van ons ende vanj onsen nacomelinghe bi ons selven te proeven.
In orkonde etc. Ghegheven te Berghen in Henegouwenk des manendaghes na der Triniteytl int jaer ons Heren M CCC endem een ende XXn.
Hier of zal die abt van Middelburcho antwoerden ende betalen voer hem XXXII lb. Tornoisp, also als hi selve screef ane minen here.
Per abbatem de Middelburchq.