Registers van de Hollandse grafelijkheid 1299-1345

Graaf Willem III geeft jonkvrouw Justine, dochter van heer Hugo de Gouwer en weduwe van Jan Scheve, knaap, toestemming tot vrije verkoop van 8½ gemet en 6 roeden land in zijn ambacht in Oud-Vlissingen, welk goed hij eerder aan Jan Scheve had gegeven; voorts garandeert hij de koper, Pieter Allarde van Vlissingen, alle rechten die bij de koop zijn overeengekomen.

Vgl. het volgende nr. ZE 154 in het register.

De onderstaande tekst is gebaseerd op afschrift B.

Wi Willaem grave van Heynnegouwen^{a b} etc. maken cond allen luden dat wi ghegheven hebben ende gheven joncvrouwen Justinen, sheren Hughen des Ghouwers^c dochter, vrien orlof te vercopen neghendalf ghemet ende zes roeden lands legghende binnen onsen ambochte in den palen van Oude Vlissinghe, wilc voerghemoemde^d land dat wi ghaven Jan Sceven onsen knape, daer God die ziele of hebben moete, ende der voerghemoemder^e joncvrouwe te helpe^f tsinen huwelike ende erveliken te besittene; ende omme dat wi verstaen hebben dat joncvrou Justine, Jan^g Sceyven^h weduwe voernoemd, dit voers. land vercoft hevet Pieter Allaerde van Vlissinghe, wilken coep dat wi den voerseyden Pieter ghewart houden ende sullen doen houden tyeghen elken man hem ende sinen nacomelinghen, in allen manieren als hi in den cope verghadert es in allen voerwaerden tyeghen der voernoemder joncfrou Justinen.

Ende omme dat wi willen dat alle dese voerscreven pointe vaste ende stade sullen bliven, zoe hebben wi dese lettere beseghelt mit onsen seghel. Ghegheven int jaer ons Heren M CCC^o XXII^o des dinxendaghes na der Triniteyt.