Registers van de Hollandse grafelijkheid 1299-1345

Graaf Willem III verkoopt zijn knaap Gillis Boudewijnsz. al zijn ambachten in het zuidelijk deel van het ambacht Arnemuiden, waarbij hij hem 10 pond groten Tournois geeft die deze zal gebruiken om binnen drie jaar op eigen kosten een versterkt steenhuis te bouwen op de hofstede die vroeger van heer Floris van Henegouwen was, welke burcht, die Gillis in leen zal houden van de graaf, een open huis zal zijn voor de graaf en ook voor diens vrienden voor zover zij niet ageren tegen Gillis; voorts bepaalt hij dat Gillis alles zal verbeuren wanneer hij een tegen hem gericht verbond sluit.

Vgl. nr. ZE 194.

De onderstaande tekst is gebaseerd op afschrift B.

Wi Willaem^a grave ^b etc. maken cond etc. dat wi Gillijs Boudijns sone, onsen ghetrouwen knape, vercocht hebben ende verghift al onse ambocht dat wi hebben int besceden ambocht van Arnemuden an die zuytside, houdende tieghens ses hondert ende twe^c ende vifticht ghemete ambochts ter goeder mate luttel min jof meer, elc ghemet omme twe scellinghe groete^d, daer hi ons bi Vrederic^e onsen rentemester van Zeeland ghenoch of ghedaen hevet, mar van der somme^f van den ghelde voerscreven hebben wi hem te hulpen ghegheven een steenhuys ende ene goede veste mede te maken in den voers. ambocht op die hofstat die heren^g Florens was, ons oems van Heynnegouwen^h, tien pond groeter Tornoyseⁱ, die wi willen^j dat hem onse rentemester voirs. of rekene van der hoeft somme^k, ende tote desen ambocht so sal Gillijs voirs. hebben alle die hofsteden dier in legghen ende ons hier te^l voren toe behoirden, uyt ghenomen die hofstede die wi Janne van Cassele ende anderen luden bi onsen brieven jof bi onsen rentemesteren brieven hier te voren ghegheven hebben; ende al dit ambocht mit den hofsteden voirs. ende dat stienhuys ende die veste voerscreven sal Gillijs ende sine nacomelinghe houden in rechten lene na der manieren van onsen lande van Zeeland^m van ons ende van onsen nacomelinghen. Ende dit steen huys ende dese veste voerscreven hevet hi hem verwilcoirt voer ons ende voer onse manne te makene binnen drien jaren naist comende op sijns selves coste, ende dit sal ons ende onser nacomelingherⁿ open huys wesen ende ledich huys op ende of^o te varen, ende onse lude daer op te doene ende daer mede te besetten, tote allen tiden als wijs begheren jof dat wijs te doene hebben; ende hads yemand van onsen vrienden te doene, also^p verre alset tyeghens Gillise^q voers. ende sine vriende niet en ware, so souden wi hem dat huys lenen moghen ende Gillijs voers. sout hem ontrumen. Ende waer dat sake dat Gillijs jof sine nacomelinghe enich verband makeden met yemand dat yeghens ons jof tieghen onse heerlichede^r droghe, zo verboirde hi jeghens ons dit goed voerscreven, huys, veste, ambocht ende hofstede. Ende alle stucken voerscreven sonder archlist.

In orkonde ^s etc. Ghegheven in Middelburch^t op den Paeschavond int jaer ons Heren M CCC XXIII^o.