Registers van de Hollandse grafelijkheid 1299-1345

Graaf Willem III beveelt Gillis Boudewijnsz., baljuw van Middelburg, om beslag te leggen op al het goed in West-Souburg en elders op Walcheren dat Catharina Dirksdr. van Zandhorst was aanbestorven en dat hem door haar echtgenoot Andries Rottier, poorter van Leiden, was opgedragen.

Vgl. nr. ZE 174.

De onderstaande tekst is gebaseerd op afschrift B.

Wi Willaem^a grave ^b etc. maken cond allen luden dat ons Andries Rottier, onse poirter van Leyden, op ghedraghen hevet alle dat recht ende onrecht dat Kateline sijn wijf, die Dierix dochter van Santhorst, ane ghecomen es ende verstorven met allen rechte van Badeloghen^c hare moeder ende van Wouter Hadde lieven^d sone, hare moeder oem, in Wester Sobburch^e ende anders waer^f in Walgeren^g, wart es; ende ombieden narenstelike ende bevelen Gillijs Boudijns, sone onsen bailiu van Middelburch^h, dat hi sijn hant slae van onsen weghen an al dat goedⁱ van der^j besterften voirs. waer dat hijt vint in Walgheren^k, ende dat hi so doe daer toe dat wijs ghebruken moghen.

In orkonde desen brieve etc. Ghegheven in Middelburch^l des donresdaghes na Paisdach int jaer ons Heren M CCC drie ende twintich.