Registers van de Hollandse grafelijkheid 1299-1345

Graaf Willem III, beleent zijn knaap Boudewijn van de Maalstede en diens echtgenote jonkvrouw Maria gezamenlijk met 40 pond Tournois per jaar uit de tiende van Voortrap ('s-Gravenpolder), dit in plaats van de 20 pond die zij tevoren afzonderlijk hielden; voorts regelt hij de vererving van dit leen.

Zo goed als zeker wordt hier de Oude Polder van Voortrap, dat is 's-Gravenpolder, bedoeld, die in of kort voor 1316 is bedijkt; zie Dekker, Zuid-Beveland, p. 251.

De onderstaande tekst is gebaseerd op afschrift B.

Wi Willaem^a grave ^b etc. maken cond allen luden dat wi Boudine van der Maelstede, onsen ghetrouwen knape, hier voermaels ghegheven hadden bi onsen brieven twintich pond Tornoyse^c sjaers uyt onsen goede van Voirtrap, wilke brief hi ons weder op ghelevert heeft; voirt hebben wi ghegheven onser liever nichten joncfrou Marien, Boudijns wive voirseyd, twintich pond Tornoyse^d sjaers. Ende dese viertich pond Tornoyse^e sjaers voerscreven hebben wi verleent Boudine ende joncfrou Marien voirs. tote hare beyder live, wilc hoir den anderen verlevet, ende bewisense hem jaerlix intenemen op onse tiende van Voirtrap in deser manieren: dat so wilc hare van hem^f tween langher levet, die sal dese voirs. viertich pond behouden te sinen live, ende voirt salt comen op haren outsten sone ende die salt van ons houde in rechten lene, ende also voirt op sinen outsten sone. Ende ombieden onsen rentemester van Zeeland^g die nu es jof wie hi wesen sal dat hi Boudine ende joncfrou Marien voirseyd jof wie dat houder es van desen goede jaerlix betaile alst voirscreven es^h.

In orkonde desen brieve etc. Ghegheven in Middelburchⁱ des vridaghes na Paischen int jaer ons Heren M CCC drie ende twintich.