Registers van de Hollandse grafelijkheid 1299-1345

Gillis Boudewijnsz. verklaart dat graaf Willem III hem diens ambachten in het zuidelijk deel van het ambacht Arnemuiden heeft verkocht en hem daarbij 10 pond groten Tournois heeft gegeven, die hij zal gebruiken om binnen drie jaar op eigen kosten een versterkt steenhuis te bouwen op de hofstede die vroeger van heer Floris van Henegouwen was, welke burcht, die hij in leen zal houden van de graaf, voor deze een open huis zal zijn, alsook voor voor de vrienden van de graaf voor zover niet gericht tegen hem zelf, en dat hij alles zal verbeuren wanneer hij een tegen de graaf gericht verbond sluit; de oorkonde wordt medebezegeld door heer Nicolaas abt van Middelburg en heer Gerard heer van Voorne, burggraaf van Zeeland.

Vgl. nr. ZE 177.

De onderstaande tekst is gebaseerd op afschrift B.

Allen den ghenen die desen brief sullen sien jof horen lesen, ic Gillijs Boudijns sone saluyd mit kennessen der waerheyd. Om dat mijn lieve here die grave van Heynnegouwen^a, van Holland^b, van Zeland ende here van Vriesland^c mi gracie ghedaen hevet ende vercoft hevet^d ende verghift al sijn ambocht dat hi hadde int besceyden ambocht van^e Arnemuden an die zuytside, houdende ter goeder mate jeghens ses hondert ende vijf ende vijftich ghemete ambochts lettel min jof meer, metten hofsteden die hem in den ambocht^f toe behoirden uyt ghenomen die hofstede^g die hi Janne van Cassele mit sinen brieve ghegheven hevet jof sine rentemeesteren^h van Zelandⁱ mit horen brieven ghegheven hebben, ende hi mi ghegheven hevet tien pond groete een steenhuys ende ene veste mede te maken int voers. ambocht op die hofstede die sheren Florens van Heynnegouwen^j was op minen coste binnen drien jaren naist comende, wilc ambocht, hofstede, steenhuys ende veste voirseyd ic van hem houden sal ten rechten lene na den rechte van Zeeland, so hebbe ic mi verwilcoirt ende verbonden voer minen here voirseyd ende sine manne dat dit steenhuys ende veste voirscreven wesen sal sine ende siere nacomelingher open ende ledich huys, op ende of te varen ende hair lude daer op te doene ende mede te besettene tote allen tiden als sijs begheren jof dat sijs te doene hebben; ende hads yemand van haren vrienden te doene alse verre alst jeghens mi jof mine^k nacomelinghe jof mine vriende niet en ware, so souden si hem dat huys lenen moghen, ende ic ende mine nacomelinghe voirs. soudent hem ontrumen. Ende ware dat sake dat ic of mine nacomelinghe enich verbant makeden mit yemant^l dat jeghens onsen here den grave of sine nacomelinghe of jeghens hoir heerlicheyt droghe, so verboirden wi jeghens hem dit goed voirs., steenhuys, veste, ambocht ende hofsteden voerscreven; ^m sonder archlist.

In oerkonde desen brieve beseghelt met minen segheleⁿ. Ende omme die mere sekerheyde so hebbe ic ghebeden enen religiosen man heren Nyclayse^o, bi der ghenaden Gods abt van Middelburch^p, ende enen edelen man ende moghende heren Gherarde^q here van Voirne^r, ^s borchgrave van Zeeland^t, dat si desen brief mit mi beseghelen willen. Ende wi Claes^u bi der ghenaden Gods abt van Middelburch^v, Gherard^w here van Voirne^x ende borchgrave van Zeeland^y, omme Gillijs bede wille hebben wi desen brief open beseghelt mit onsen seghele ter orkonde.

Ghedaen in Middelburch des dinxendaghes in die Paesdaghe int jaer ons Heren M CCC drie ende twintich.