Registers van de Hollandse grafelijkheid 1299-1345

Graaf Willem III verpacht tegen een vastgestelde jaarlijkse pachtsom tienden te Kloetinge, Eversdijk, Kapelle en Vlake, aan jonkvrouw Elizabeth dochter van Gillis Nobelsz., uit welke tienden wijlen haar echtgenoot Lodewijk van de Maalstede haar een lijftocht van 60 pond Tournois per jaar had gegeven, zoals verklaard door Simon Lodewijksz. van de Maalstede, diens neef Boudewijn van de Maalstede en andere vrienden.

De onderstaande tekst is gebaseerd op afschrift B.

Wi Willaem^a grave van Heynnegouwen^{b c} etc. maken cond allen luden dat voer ons quam Symon Lodewijcs^d sone van der Maelstede mit Boudijn van der Maelstede^e sinen neve ende mit anders sinen vrienden, ende verliede dat Lodewijc^f sijn vader, daer God die siele of hebben moet, ghemaket hadde joncfrou Lisebetten sinen wive, Ghise Nobels soens dochter, tote hare lijftochte tsestich pond Tornoyse^g sjaers op alle sine tiende in Cloetinghe, in Eversdike^h, in Capelle ende in die Vlake, ende begheerde dat wi dat haer verlieden tote hare lijftochte. Wilke tiende voerscreven wi haer verlient hebben tote hare lijftocht, ende daer of sal si ons gheven jaerlix te pachte dertien scellinghe ende vier penninghe Hollandsⁱ; ende gheloven haer in dese lijftochte te houden als wi sculdich sien te doene na den rechte van Zeeland^j, behouden elken anderen sijns rechts.

In orkonde ^k etc. Ghegheven in Middelburch^l des vridaghes na Paeschdaghe int jaer ons Heren M CCC drie ende twintich.