Registers van de Hollandse grafelijkheid 1299-1345

Graaf Willem III beleent de abt van het O.L.Vrouweklooster te Middelburg met het ambacht te Sint Janskerke waarin de uithof genaamd Zuidtiende staat, welk ambacht hem eerder door Pieter Jansz. van Sint Janskerke was opgedragen.

De onderstaande tekst is gebaseerd op afschrift B.

Wi^b Willaem^c grave van Heynnegouwen^d etc. maken cond etc. dat Pieter Jans sone van Sente^e Jans kerke in Walchren quam voer ons ende droch ons op vriliken bi sinen moet wille onse XVI m. ^f L r.^g ambochts die hi van ons te houden plach legghende in Sente Jans kerke^h voerscreven, daer des cloesters uythof van Middelburchⁱ in staet die men hiet ^j ter Zuitiende^k, wilke^l XVI m. L r. ambochts voerscreven al steene scoten^m wiⁿ hebben verliet ende verlien onsen goeden vrient ende ghetrouwen vader in Gode heren Nyclase^o, bi der^p ghehenghenissen Gods abt van onser Vrouwen cloester in Middelburch, van ons ende van onsen nacomelinghe in lene te houden, in deser manieren datmen ons van desen ambocht sulken^q dienst sal doen als men ons doet van anders onsen ambochte in Walchren; ende so waneer dat des abt van Middelburch ghebreket, so sal die ander niewe abt die naest comen sal dit voers. ambocht versoeken moghen ende lossen die heven omme XX lb. Tornoyse^r, den groeten over sestien penninghe gherekent, also groet alst hier of lopen mach, ende also voirt in lene te houden mit alsulker lossinghe ende versoeke van allen den anderen abten die daer na wesen sullen.

In kennessen hier of hebben wi desen brief open beseghelt^s etc. Ghegheven in Middelburch des vridaghes na Paeschen int jaer ons Heren M^o CCC^o drie ende twintich.