Registers van de Hollandse grafelijkheid 1299-1345

Graaf Willem III schenkt Willekijn Wannemet, zijn bode op het tolhuis te Yersekeroord, voor de duur van diens leven een lijftocht en knechtskleren uit de opbrengst van dit tolhuis.

De onderstaande tekst is gebaseerd op afschrift B.

^a Wi Willaem grave ^b etc. maken cond etc. dat wi omme trouwen dienst die ons Willekijn Wannemet^c, onse bode, ghedaen hevet ende hi noch in onse tollen huys tote ^d Ierseker^e oirde doen sal, hem daer in onse tolne huys voernoemd sine lijftocht ghegheven hebben ende dar knechte clederen also langhe als hi levet, sonder archlist; ende ombieden ende bevelen allen onsen tolnaers^f van Ierseker^g oirde voirs. die nu sien jof hier na wesen sullen dat si^h Willekijn voernoemd sine lijftocht ende sine clederen in onse tollenhuys voernoemd gheven alse voirs. es, sonder ander ghebot van ons te hebben.

In orkonde desen brieve etc. Ghegheven tote Reymerswaleⁱ op sente Andries dach int jaer ons Heren M CCC^o een ende twintich.