Registers van de Hollandse grafelijkheid 1299-1345

Graaf Willem III verkoopt Boudewijn Jansz. een moerdijk ter grootte van 40 tot 44 gemet in het Oostmoer, welke moerdijk deze zal onderhouden en waarover hij het hoge en lage gerecht krijgt, alsmede het recht keuren uit te vaardigen en schepenen aan te stellen.

In deze oorkonde zijn door de kopiist van A blijkbaar nogal wat fouten gemaakt bij de registratie; zie omissies in noten i en u en het corrupte ghere in noot k. De correcte lezing in deze gevallen zal min of meer overeenkomen met de tekst van nr ZE 295, waarin veel bepalingen vrijwel gelijkluidend zijn aan de onderhavige.

Vgl. nr. ZE 480.

Wi Willaem^b grave^c van Henegouwen^d etc. maken cond allen luden dat wi bi^e Vrederic^f, onzen rentemeister van Zeelland^g, Bouduin^h Jans zone enen moerdijc ⁱ legghende in die zuitwest zide van den Oestmoere, die groet es tuisken viertich ghemete ende vier ende viertich, ende te beleden bi onzen bailiu van Zerixe^j ende bi Symon Heynen zone tot onzer orbaren, ende der ghere^k die met hem diken sullen ter Zeuscher koere ende ten moerdijcchen rechte, daer hi ^l of ghelden zal van elken ghemete dertich scellinghe groeter Tornoyse^m binnen drien jaren te betalen, elcs jaers een derdendeel te zente Pieters ⁿ te inghaende oeste^o. Ende hi sal telken vive ende twintich ghemete hebben een ghemet vrijs; ende diket hi^p nie^q meerre dan hier voerscreven es, so zal hine ghelden dat ene ghemet gheliken den anderen. Ende brake een wael in desen voerseiden moerdijc, so mach Bouduin^r voerseit omme ghaen in dezen Oest moer met sinen diken tot slands behoef; ende wat hi binnen dezen ommeghanc orbaert dat sal hi ghelden gheliken den eirsten coepe. Ende gheven hem macht koeren te maken bi zinen scepenen die hire toe nemet, den moerdijc mede te bedriven ende te berechten, ende die scepenen te settene ende te ontsettene alzo dicke als hem goed denket omme slands orbaer na den staen van den lande, ende alle dinghe daer in te berechten van hoeghen ende van laghen toten boeten toe van zeven ende twintich scellinghen; ende die boeten zullen zine wezen, ende alle die boeten boven zeven^s ende twintich scellinghe zullen onze wezen. Voert so hebben wi hem belovet desen voerseiden moerdijc te waren jeghens elken man, ende zijn goed ende sire ghesellen daer uyt te voeren laten met haren rechten lecscatte^t; ende ware dat zake dat yement ontvoere uyt den moerdijc, ^u zo waer hi es in onzen lande, sonder verboernesse. Ende deze voerscreven vorwaerden hebben wi ghemaect behouden elken man zijns rechts.

In orkonde dezen brief bezeghelt met onzen zeghele^v. Ghegheven in Middelburch^w des donnersdaghes na zente Lucas dach inden ^x jare ons Heren M^o CCC^o drie ende twintich.