Registers van de Hollandse grafelijkheid 1299-1345

Graaf Willem III bekrachtigt de verkoop van 100 roeden land in Oud-Vlissingen door Frederik van Valenciennes, rentmeester van Zeeland, aan Hugo Koen Hugenz.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi ..Willaem^a grave van Heynegouwen^b, van Holland^c, van Zeelland^d ende here van Vriesland maken cond allen luden dat wi die hondert roeden lands die Vrederic van Valencijn, onse rentemeyster van Zeelland^e, vercoft hevet Hughe Coene Hughen sone omme twaelf scellinghe groter Tornoyse^f, die hi onse rentemeyster voirs. betailt heeft, wilc land leghet in Oude Vlissinghe benoerden der kerken bi oisten den werve, des^g wi hem waren ende den coep vaste ende ghestade houden.

In oirkonde desen brieve bezeghelt met onsen zeghele. Ghegheven in Middelburch des dinxendaghes na onser Vrouwen dach in maerte int jaer ons Heren M^o CCC^o drie ende twintich.