Registers van de Hollandse grafelijkheid 1299-1345

Graaf Willem III verpacht Jan Mondijnsz. en diens broers Elwoud en Simon de nader omschreven tienden in het noorden van het ambacht Emelisse, die hun waren verkocht door Hendrik zoon van Simon Filipsz.

Wi Willaem^a grave van Henegouwen^b etc. maken cond allen luden^c. Want^d Henric^e Symon Philips zoens zone bi onsen goid denken vercoft hevet Jan Mondijns zone ende Elwoud ende Symon, brodere, even groet te delen, die helfte van siere noerttiende die hem ane bestarf van sinen vader, legghende in den ambocht van Emelisse, wilke helfte groet vallet jeghens anderhalf ghemet; zoe hebben wi Jan, Ellewoud^f ende Symon^g voers. gracie ghedaen ende desen tienden verliet, behouden elken anderen sijns rechts, te houden ende te besitten in alre manieren als die brief houd die bi wilcoere van ons ende van^h onsen mannen van Zeellandⁱ daer of ghemaect ende bezeghelt ^j es. Ende hier of zullen si ons jaerlix te pachte gheven vier penninghe Hollands^k.

In orkonde etc. Ghegheven te Middelburch^l op den Pinxter dach int jaer van vier ende twintich.