Registers van de Hollandse grafelijkheid 1299-1345

Graaf Willem III bevestigt een ruil van land en huizen tussen Nicolaas van Borsele en Wolfert van Borsele.

De polder van de Duitse heren lag bij Zanddijk.

Wi Willaem grave van Henegouwen^a, van Holland^b etc. maken cond allen luden. Want onse lieve ende ghetrouwe haer Florens^c van der Vere, ridder, Clais^d van Bersele^e ende Wolfaert^f van Bersele^g, onse neve, haer huissinghe ende hoer land onderlinghe ghecavelt ende ghedeelt^h hebben als wi verstaen, endeⁱ Wolfaert^j tote sire cavel ghevallen es die helfte van den huyse^k dat Willaem^l van Subborch^m was voir zestalf pond grote, ende Clayse eenⁿ heel huis ghevallen es dat Lettaert^o hiet tote sinen deelle voir vierdalf pond groete, soe is wel onse wille ende onse consent dat Clais^p ende Wolfairt^q voirseit ^r onderlanghe wisselen^s omme^t dese huisinghe voerscreven also dat Clais^u behoude die helfte van Willaems^v huyse voerseit ende^w dat Wolfaert^x houde dat heelle huis dat Lettaert^y hiet, ende dat Clais^z voerseit Wolfairt^a' voers. also^b' vele lands gheve in der Duiscer^c' heren polre van zijns zelves lande dat viertich scellinghe groter Tornoyse^d' waerdich es.

In orkonde desen brief bezeghelt met onsen zeghele^e'. Ghegheven te^f' Middelburch^g' op Alre heyleghen dach int jaer ons Heren M^o CCC^o vier ende twintich.