Registers van de Hollandse grafelijkheid 1299-1345

Graaf Willem III – in aanmerking nemend dat zijn nicht jonkvrouw Geertruid, weduwe van Pieter Antonisz. van den Vliet, van Pieter bij leven als lijftocht de tienden toegezegd had gekregen die hij hield van Sint Pieter te Utrecht alsmede andere goederen, welke tienden intussen aan de graaf waren gekomen, en Pieters broer Wouter eertijds al zijn ambacht en tienden had opgedragen aan de graaf, die ze aan Pieter had gegeven – bepaalt in overleg met zijn Raad, met Wouter en met instemming van Geertruid dat de laatste als lijftocht de helft zal ontvangen van alle tienden die Pieter en Wouter van hun vader Antonis hadden geërfd.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi Willaem^a grave van Henegouwen^b ende van Holland^c etc. maken cond allen luden. Want Pieter Thonijs f.^d van den Vliete^e onse zuagher, daer God die ziele^f of hebben moet, ghelovet^g hadde te maken voer onse here ende^h heren Ghyen den biscop van Utrecht endeⁱ ons alle die tiende die hi hadde van den heren van sente Pieters tUtrecht^j met anders al sinen goede dat hi haer ghemaect hadde voer onse^k, erve, have, roerende ende^l onroerende, uyt ghenomen zijn amboch, joncvrouwe Gertruden^m sinen wive, onser nichten toet hare lijftochte; ende want wi sent vercreghen hebben al den tienden van sente Pieters voers. in Zeellandⁿ; ende Wouter Thonijs f., Pieters broder^o voers., al ambocht^p ende tiende voers. die hi hadde^q ons op ghedraghen hevet voermaels tote Pieters behoef voerseit, ^r dese ontfanghen heeft; so^s hebben wi met goeder voersienich hede^t over een ghedraghen met onsen luden van onsen Rade ende met Wouter voerscreven ende met goed denken onser nichten voerscreven, omme dat wi niet en willen datter enighe dinghe in vallen anders dan goed, dat joncvrouwe Gertruyt^u voers. hebben zal tot hare lijftochte die helfte van alre tiende die Pieter ende Wouter vors. bestarf van Thonijs haren vader, wilke helfte loipt tieghen achte ende dertich ghemete tiende of daer ommetrent. Ende in deser tiende vorscreven gheloven wi haer te houden tote haren live met desen brieve als wi vrouwen ende joncvrouwen tote hare lijftochte sculdich sien te houden na sede ende costume van onsen lande.

In orkonde etc. Ghegheven in Middelburch^v des manendaghes na Mitvastem^w int jaer ons Heren M^o CCC^o vier ende tuintich.