Registers van de Hollandse grafelijkheid 1299-1345

Graaf Willem III vergunt jonkvrouw Aachte, dochter van heer Nicolaas Costijnsz. van Kats, ridder, die zal trouwen met Wouter Antonisz. van den Vliet, leenman van de graaf, bij welke gelegenheid Wouter van Nicolaas 50 pond groten Tournois zal ontvangen met de bepaling dat in geval van diens overlijden zonder nageslacht bij Aachte zij dat bedrag weer uit diens goederen mag innen, dat zij het dan mogelijk ontbrekende deel zal mogen aanvullen uit de opbrengsten van de tienden die Wouter van hem in pacht heeft, op voorwaarde dat Wouter geen eigen goederen zal vervreemden tenzij hij de betreffende tienden vrijstelt van genoemd verband.

Zie ook het in het register volgende nr. ZE 329.

Wi Willaem^a grave van Henegouwen^b, van Holland^c, van Zeeland ende here van Vriezeland^d maken cond allen luden. Want Wouter Thonijs sone van den Vliete, onse man, micket huwelicke te doen ane joncvrou Aechten, heren Clais^e Costijns^f soens dochter van Cats ons ridders, in wilken huwelike voirsproken es dat hair Clais^g met zire dochter voirseyt gheven soude Wouter^h voirnoemt vijftich pond groter koninxs Tornoyseⁱ, in zulken manieren: waerd dat Wouters ghebrake zonder wittachtich gheboirte van joncvrou Aechten te laten, zo soude zi weder hebben ende op heffen die vijftich pond grote voirscreven van alle Wouters erve ende have, so war an dat gheleghen ware, wart an lande, hofsteden, husinghe, molen ofte anders goit dat Wouter nu heeft of hem hier na an comen mach van sijns selves weghen of van joncvrou Aechten weghen voirseyt; ende waer dat sake dat dat havelike goit ende erve voirscreven niet also goit en^j ware als tote vijftich pond groeten toe, zo hebben wi gheorloift ende ontrumet om Wouters willen alse verre als dit huwelic volcoemt dat joncvrou Aechte^k vorseyt van der tiende die Wouter van ons in pachte houdet dat ghebrec van den vijftich ponden groeten jaerlix in nemen zoude^l, toter tijt toe dat si die vijftich pond grote te vollen weder hadde alse verre als hair ghebrake van den eygheliken goide vorscreven, zonder archlist. Ende hier bi en zal Wouter vors. gheen goit, erve, hofstede, husinghen, molen noch en gheen havelike goit dat hi nu heeft of hebben mach hier namails vercopen noch versetten, ten ware^m dat hi onse tiende vorseyt die hi van ons houdet van desen verbinde ghevrijet ende ghequijt hadde.

In orkonde etc. Ghegheven tote Valenchiennes^{n o} sonnendaghes na sente Pieters ende sente Pouwels^p dach apostelen int jaer ons Heren M^o CCC^o ende^q XXV.