Registers van de Hollandse grafelijkheid 1299-1345

Bisschop Jan III van Utrecht deelt op verzoek van graaf Willem III en enkele parochianen van Nieuwerkerk op Duiveland de pastoorsprebende van de kerk aldaar, welke vroeger uit twee delen tot één was samengevoegd, opnieuw in tweeën.

Vgl. het volgende nr. ZE 333.

^a Iohannes^b Dei gratia episcopus Traiectensis^c universis presentia visuris vel audituris, salutem in Eo qui est omnium vera salus. Pervenit ad nos quod Nova ecclesia Duvelandie ab antiquo per duos consueverat gubernari rectores, licet casu fortuito^d ipsius redditus fuerant diminuti in tantum quod pro duobus non sufficiebat, et sic ad unam prebendam sacerdotalem deducta fuerat^e et unita. Et cum eadem ecclesia prout dicitur iam nunc redditibus et obventionibus habundat quod duo sacerdotes ex ea commode valeant sustentari, supplicarunt nobis illustris princeps dominus Willelmus^f comes Haynnonie^g etc. necnon quidam alii dicte ecclesie parrochiani ut eandem ecclesiam ad statum pristinum reducentes prebendam ipsius sacerdotalem in duas dividere et sectionem ipsius facere dignaremur. Nos vero in dicte^h sectionis negotio absque cause congnitione procedere non volentesⁱ inquisitionem super premissis^j fecimus diligentem, per quam nobis constitit^k dictas preces veritati subnixas et narrata superius penitus esse vera, dictam Novam ecclesiam et prebendam ipsius sacerdotalem in duas prebendas sacerdotales, ut divinus in eadem ecclesia augeatur cultus et ut ipsius parrochiani per duos sacerdotes salubrius et facilius quam per unum gubernentur, hiis presentibus dividimus et ipsius prebende facimus sectionem ex officio nostro causa^l et rationibus supradictis, volentes^m de cetero eadem ecclesia per duos rectores in eadem canonice instituendos gubernetur.

In cuius rei testimonium sigillum nostrum presentibus duximus apponendum. Datum sabbato post Iohannisⁿ ante portam Latinam anno Domini M^o CCC^o vicesimoquinto.