Registers van de Hollandse grafelijkheid 1299-1345

Graaf Willem III, na samen met heer Gerard heer van Voorne, burggraaf van Zeeland, kennis genomen te hebben van de huwelijkse voorwaarden tussen wijlen heer Gillis van Kruiningen, ridder, en vrouw Catharina van Rotselaar, inhoudende haar lijftocht uit tienden te Oud-Kruiningen die Gillis pachtte van deken en kapittel van Oudmunster, bepaalt dat de huidige tiendpachters Catharina jaarlijks zekerheid zullen doen tot betaling van 200 pond Tournois, en wel voordat de oogst is binnengehaald; de oorkonde wordt meebezegeld door Gerard van Voorne.

Wi Willem^b grave etc. maken cont allen luden dat wi ende onse lieve neve here Gheraerd^c here van Vorne^d, ^e borchgrave van Zeland^f, die desen brief met ons bezeghelt hevet, ghesien hebben enen brief van den deken ende den capitel van Oudemonster^g ende van heren Gillise van Cruninghen^h, ridder, zeghelen wel beseghelt, daer si mede bekennen veren Katelinen van Rochelaer, heren Gillijsⁱ wedewe van Cruninghen^j vors., twie hondert pond Tornoyse^k sjaers die haer Gillijs^l van Cruninghe vors. in huweliken vorwarden hare makede tote hare lijftochte bi des^m dekens ende des capietels van Oudemonsterⁿ goid denken, alsoe als die brieve vornoemt houden die wiere of ghesien hebben, up al den tiende die hi van den deken ende den capietel vors. hout in pachte, legghende tOude Cruninghe^o; ende want ons niet toe en behoert ^p te ghedoghen dat si veronrecht worde, zoe willen wi dat heren Gillijs^q erfname vornoemt jof die ghene die den tiende leyden^r zullen alse langhe als ver Katerine^s vors. levet elcs jaer^t haer^u zekerhede doen zullen van twie hondert ponden Tornoyse^v jaerlix tebetalen binnen ^w den jare daer naest comende, alsoe dat die vrouwe wel verzekert es eer dander den scoef voren^x, ende daer bi zullen die rechte erfname heren Gillijs^y vors. der tienden ghebruken. Voert ^z ombieden wi Raesen^a' ende anders heren Gillijs^b' erfname ende den ghenen die den tiende tesen jare thuys ghevoert hebben dat si veren Katelinen vors. gode zekerhede doen te betalen vor den oust naest comende van II^C lb. Tornoyse^c' als vorscreven es, jof wi zullense haer doen hebben van den reetsten gode dat die ghene hebben die hem der tiende onderwonden hebben.

Ende om dat ^d' dit vaste ende ghestade blive, zoe hebben wi desen brief bezeghelt met onsen zeghele. Ende wi Gheraerd^e', here van Vorne^f', burchgrave van Zeland^g', om dat wi over al dese stucken vorscreven gheweest hebben ende wier met goden trouwen toe helpen willen dat alle stucken vorscreven trouweliken ghehouden worden, zoe hebben wi desen brief mede opene beseghelt met onsen here den grave vorscreven met onsen zeghele. Ghegheven in Middelburch^h' des manendaghes na sente Andries daghe int jaer ^i' XXV^o.