Registers van de Hollandse grafelijkheid 1299-1345

Graaf Willem III geeft degenen die het nieuwe land grenzend aan de polder van Voortrap ('s-Gravenpolder) bedijkt hebben al het nu door hen bedijkte buitendijkse land aldaar in erfpacht voor 6 schelling zwarten Tournois en een kapoen per gemet per jaar, bepaalt de boete bij het niet tijdig betalen van de pacht, en geeft hun voor dat land vrijstelling van alle lasten met uitzondering van de tiende en de eventueel te heffen gelden voor de landsverdediging.

Wi Willem^a grave etc. maken kond^b etc. dat wi allen den ghenen die ghedijct hebben ant nieweland^c dat nu bedijct es an onsen polre van Vortrappe ghegheven hebben ende gheven met desen brieve al onsen uytdijc aldaer, also groet als zine nu bedijct hebben, in enen erfpachte van elken ghemete also verre alst coren of gras draghet te gheven jaerlix ons of onsen ghewaerden bode te inghaende meye^d na elken oichst zes scellinghe zuarter Tornoyse^e, den groten voir sestien penninghe gherekent, ende ene capoen van elken ghemete tusken sinte Martins^f misse^g ende Kersavond^h, alsoe als onse bode toit onser behoef jaerlix versoeken zal; ende ware dat sake dat zi den pacht voirs. niet en betailden ten daghe voirscreven, zoe waren zi tenden viertiennachten daer na dien pacht sculdich twiescatte te gheldene, ende hairs lands niet te notene noch te ghebrukene toter tijd des zi beyde vergouden hadden. Ende hier bi en zullen zi van desen lande ghienen cost doen in jaerbeden, in verbornessen, in herevairden of hoe zoe die cost of bede comen mochte, het en ware dat zi zelve metter hand verboirden jof dat wijs jof die ghene die na ons wesen zal grave van Hollandⁱ ende van ^j Zeelland^k van onser rechter eere te doene hadden ter rechter lant were binnen der kore van Zeelland^l; mar zi zullen ons altoes van den lande voirs. jaerlix gheven onsen rechten tiende.

In oirkonde etc. Ghegheven toit Emelisse des woensdaghes voir sinte Niclays^m dach int jaer ons Heren XXV^o.