Registers van de Hollandse grafelijkheid 1299-1345

Bonifaas Blankaard en Bartholomeus Blankaard, broers, Lombarden in Reimerswaal, beloven graaf (Willem III) schadeloos te zullen houden van de eventuele gevolgen voor diens borgstelling voor 10 pond groten in een transactie tussen Lombarden in Leiden en Zierikzee.

Wi Bonifaes Blankaert^a ende Bartelmeus^b Blankaert^c ghebrodere^d, Lombarders^e van Reymerswale^f, maken cont allen luden. Want onse lieve here die grave van Heynegouwen^g etc. met sinen brieven hevet doen hebben Jan Zetse Lombarder^h van Leyden tien pond grote van Thonijsⁱ den Lombarder^j van Zirixe^k, alse van der effeninghe die wi ende anders die ghemene vrienden makeden tuschen Jacob Zetse ende Janne vors., alsoe als die brief houd daer ons heren sgraven brief vors. doersteken es, ende Thonijs vors. betaelt hevet om dat hi Jacob Zetsen^l erfname knaep es, soe gheloven^m wi onsen here den grave vors. waer dat zake dat hem enighe croninghe quame van desen X lb. groten vorscreven om datse bi sinen brieven betaelt sijn, dat wi hem die croninghe of zouden doen jof die tien pond grote vors. weder gheven.

In orconde etc. Ghegheven te Reymerswaleⁿ des manendaghes nae sente Lucien dach int jaer ons Heren M CCC XXV^o.