Registers van de Hollandse grafelijkheid 1299-1345

Graaf Willem III schenkt de Westmonsterkerk te Middelburg aan heer Jacob, bisschop van Zuden en commandeur van de huizen van het Sint Janshospitaal te Haarlem en te Middelburg, in welke kerk voortaan broeders van die orde als parochiepriester zullen worden aangesteld.

Deze tekst is niet gekopieerd in het duplicaatregister AGH 303. – Vgl. nr. ZE 380.

Wi Willem grave etc. maken cont ende kennelic allen luden dat wi doer Goedswille ende in der ghedenkenesse van onser ouder zielen ende van der onser ghegheven hebben ende gheven vor ons ende vor onse nacomelinghe onsen gheesteliken vader heren Jacob, bi der ghenaden Goeds biscop van Zuden ende commenduer van allen goetshusen van Sente Jans hospitael van den lande van Overmere^a in den bisdom van Utrecht^b ende van onser gravescip van Holland^c ende van Zeland^d, ende sinen nacomelinghe commenduers van Sente Jans huyse tote Herlem^e ende in Middelburch ervelike die ghifte ende die kercke van Westmonster^f in Middelburch^g, die wilke bliven zal ewelike vorwaerts meer van hare gifte, ende hebben onse hand of ghedaen van der vornoemder kercke ende of doen; ende die voernoemde kercke zullen si doen verdienen ewelike haren broders die siere in zetten zullen alse prochiepapen. Ende bidden onsen gheesteliken vader onsen lieven here here den biscop van Utrecht^h dat hi om onser bede wille dese ghifte van der kercke alse vorscreven es confirmerenⁱ wil.

In orconde etc. Ghegheven tote Herlem^j des donresdaghes na Belokene Paeschen int jaer ons Heren M CCC XXVI^o.