Registers van de Hollandse grafelijkheid 1299-1345

Jacob, bisschop van Zuden, en de onder hem als commandeur ressorterende kloosters Sint Catharina te Utrecht, Sint Jan te Haarlem en Sint Jan te Middelburg beloven graaf Willem III, die hun de Westmonsterkerk te Middelburg had geschonken, dat die kerk door twee broeders uit hun orde zal worden bediend, waarbij de graaf kandidaten mag afkeuren, dat het Middelburgse klooster een open huis zal zijn voor de graaf en zijn familie, dat zij voor hem en zijn familie dagelijks zullen bidden en dat zij in de toekomst de jaargetijden van hem en de gravin zullen vieren, dat de graaf de kerk mag lossen tegen een jaarrente van 150 pond Tournois, en dat bij eventuele opheffing van het Middelburgse klooster de kerk aan de graaf zal terugvallen; bisschop Jan van Utrecht bezegelt de oorkonde mee.

Vgl. nr. ZE 379.

Jacob bi der ghenaden Goets biscop van Zuden, commenduer van Sente^b Katerinen^c tUtrecht^{d e} ende van allen goetshusen van Sente Jans hospitael van den landen van Overzee in den bisdom van Utrecht^f ende in der gravescip van Holland^g ende van Zeeland^h, ende wi ghemene convent van Sente Katerinenⁱ tUtrecht^j vors. ende van Sente Jans huyse tote Haerlem^k ende van Sente Jans huyse in Middelburch^l maken cont allen luden. Want onse lieve here, here Willem^m grave van Heynegouwenⁿ, van Holland^o etc., ons ghegheven hevet puerlike om Gode die kercke van Westmonstere^p in Middelburch^q ewelike te besitten ende vryelike te ghebruken, nae diere gheere doet diese nu beseten hebben, soe gheloven^r wi vor ons ende vor onsen nacomelinghen onsen here den grave vors. ende sinen nacomelinghen dat wi dese kercke van Westmonstere^s vors. altoes zullen verdienen doen met twien reckeliken luden van onser orden; ende waer datter enich van den twien die onsen here den grave vorscreven jof sinen nacomelinghen niet en ghenoghede, dien zouden wi alse dicke als hies begheerde van dane doen ende enen anderen reckeliken man van onser ordine in die stede^t setten die hem ghenoghede. Voert gheloven wi onsen here den grave vors. ende sinen nacomelinghen dat onse cloester in Middelburch^u altoes wesen zal open herberghe ons heren sgraven vors. ende sinen nacomelinghen, haren^v wiven ende haren kindere, sonder anders onse onsen cost. Voert zullen wi van^w deser tijt vorwaert altoes daghelix bidden vor onsen here den grave vors.^x ende vor sijn ouders, nae siere doet alle jare sine jareghetide doen, ende onser vrouwen sijns wives, ghelike jof si hare jaerghetide daer ghemaket hadden te done. Voert waer dat zake dat onse here die grave vors. jof sine nacomelinghe die kercke van Westmonster^y vryelike hebben wilde tote hare giften, zoe wilke tijt dat si ons bewijsden in gheesteliken renten^z jof in waerliken anderhalf hondert pond Tornoyse^a' sjaers, die wi ghebruken mochten tote ons goetshuys behoif van^b' Haerlem^c' ende van Middelburch^d' vors., zoe zouden wi de^e' kercke van Westmonster^f' vors. tote hare behoif vryelike quite scelden. Waer oec dat zake dat onste cloester in Middelburch^g' alsoe verghinghe datment vercopen moste jof verpachten ende datmen daer gheen convent en helde, zoe ^h' zoude die kercke vors. vryelike toe behoren, ende die ghifte daer of te gheven, onsen here den grave vors. ende sinen nacomelinghe.

Ende om dat wi willen dat dit vaste ende ghestade ^i' blive ende wel ghehouden ^j', zoe hebben wi desen brief open beseghelt met onsen zeghelen^k'; ende hebben ghebeden enen eersamen vader, onsen lieven ende gherechten here heren Jan den biscop van Utrecht^l', dat hi desen brief om die mere zekerhede met ons bezeghele. Ende wi Jan bi der ghenaden Goets biscop van Utrecht^m', om bede wille eens eersames vaders heren Jacob biscop van Zuden ende om bede wille van sinen ghemenen convente van Sente Katerinene^n' tote Utrecht^o' ende van Sente Jans huse tote Haerlem^p' ende van Sente Jans huyse in Middelburch^q' vorscreven, hebben wi om die mere zekerhede^r' desen brief met hem open beseghelt met onsen zeghele^s'. Ghegheven tote Haerlem^t' des donresdaghes nae Belokene Paeschen int jaer ons Heren M CCC XXVI^o.