Registers van de Hollandse grafelijkheid 1299-1345

Raas van Kruiningen, die Alexander Bonotone en Catalaan, Lombarden in Zierikzee, enkele bedragen tot een totaal van 14 pond groten Tournois schuldig was, ter aflossing waarvan graaf Willem III zekerheid heeft gegeven, draagt de graaf 150 gemet ambacht in Tolsende en in totaal 12 gemet tienden aldaar en in Nieuwlande op, waarbij de inkomsten aan de graaf zullen toevallen wanneer hij die schuld niet op de vastgestelde dagen betaalt; de oorkonde wordt meebezegeld door de graaf en enkele met naam genoemde ridders en knapen.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Uit de tekst is niet goed op te maken of het nu om twee of drie Lombarden gaat; vgl. ook het in het register voorafgaande nr. ZE 400.

Allen den ghenen die desen brief zullen zien jof horen lesen make ic cond Raesse van Cruninghe dat ic sculdich was Alexander Bonotone, Katelane, ende horen ghesellen, Lomberder^a in Zeerixee^b, zeven pond ende twalf peninghe ouder groete coninx Tornoyse^c van rechten hoifstel^d ende twalf ^e groter Tornoyse^f des daechs van teringhe van Paesken int^g jaer ons Heren M CCC XXIII toit desen daghe toe; voirt was hic hem sculdich ses ende twintich scellinghe ende zes peninghe groete^h van rechten hoistel ende vier groete des daechs ⁱ van teringhe^j van sinte Baven daghe^k int jaer ons Heren M CCC XXIIII toit desen daghe toe^l, dair si opene brieve van allen of hadden bezeghelt met mijns heren mijns vader zeghel ende met scepene zeghel van Zerixee^m, die si op ghelevert hebben. Ende want mijn lieve endeⁿ gherechte here mijn here die grave van Heynnegouwen^o ende van Holland mi gheholpen^p heeft van alle deser scout, beyde van hoeftghelde ende van teringhe, om viertien pond grote, te betalen die ene helfte te Bamisse^q ende die ander helfte toit onser Vrouwen lichtmisse^r naist comende, ende Jan Heynrix sone sinen rentemeyster van Bewester^s Scelt ^t dese viertien pond grote voirscreven van sinen weghen voir mi heeft doen verzekeren den Lomberden van Zeerixee^u te betailen ten daghe voirs., zo hebbe ic minen lieven here den grave voirs. op ghedraghen in jeghenwoirde siere manne voir dese viertien pond groete voirscreven ander half hondert ghemete ambochts die ic van hem houde legghende in Totelsende^v, ende zes ghemete tiende inTotelsende^w die ic in pachte houde van den heren van Oudemonster^x, ende zes ghemete tiende van minen tiende int Nieweland van den besten ende in dairs hem best ghenoghet, die ic in pachte houde van den heren van Oude monster^y voirs., sinen vrien wille mede te doene in manieren: es dat ic dit ghelt zelve^z betale telken daghe voirscreven sonder ghebrec^a', zo zal ic mine tiende ende ambocht voirs. vriliken ghebruken; waer oec dat zake dat ic^b' dit ghelt niet en betailde toit elken daghe, jof dat ic^c' een^d' deel ghave ende ic niet te vollen en betailde, zo souden ambocht ende tienden voirs. mijns heren sgraven vri ^e' wesen sinen vrien wille mede te doene, ende den pacht van den tienden voirscreven dien soude ic op dreghen den heren dair ic den tiende of houde ende quite scelden tot mijns heren sgraven behoef, ende hem dien pacht doen verlien. Ende alle stucken sonder arghelist.

Ende omme dat ic dit vast ende ghestade houden wille, zo hebbe ic desen brief bezeghelt met minen zeghele; ende omme die merer sekerheyde zo hebbe ic ghebeden minen lieven here den grave voirs., heren Jan^f' van Cruninghe, heren Jan^g' van den^h' Zile^i', ridderen, Daniel van Baersdorp^j', Godevaerd^k' van Stapele ende Jan Wolfert^l', knapen, dat si desen brief met mi bezeghelen. Ende wi Willaem^m' grave voirs., Jan van Cruninghen^n', Jan van den Zile, ridderen, Daniel van Bardorp^o', Godevairt^p' van Stapele ende Jan ^q' Wolfaert^r', knapen, om bede van Raissen van Cruninghen ende omme die merer sekerheyde van allen stucken voirscreven zo hebben wi desen brief met Raissen^s' open bezeghelt^t' met onsen zeghelen. Ghegheven in Middelburch^u' des woensdaghes voir Midvasten int jaer ons Heren M CCC XXVI.