Registers van de Hollandse grafelijkheid 1299-1345

Graaf Willem III doet uitspraak in een geschil tussen enerzijds zijn zuster vrouw Aleid, vrouwe van Zandenburg en Buren, en anderzijds Kervink van Reimerswaal voor jonkvrouw Catharina, dochter heer Jan Mulard en zuster van Kervinks echtgenote jonkvrouw Maria, betreffende de goederen die Catharina van haar vader had geërfd; de oorkonde wordt meebezegeld door vrouw Aleid en Kervink alsmede door heer Floris van Borsele, ridder, en Nicolaas van Borsele, broers.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi Willaem^a grave van Heynnegouwen^b etc. maken cond allen luden dat een twi was tusken veren Aliden^c onser zuster, vrouwe van Zandenburch^d ende van Buren op die ene side ende Kervinghe^e van Reymaeswale^f alse van joncfrouwe Katelinen weghen, heren Jan Mulaerds^g dochter, Kervings^h wijfs zuster, op die ander zide, alse van joncfrouwe Kathelinenⁱ goede voirs. dat hair bestaerf van heren Jan^j Mulaerd^k horen vader, des si gheheellike ende al an beyden siden an ons ghebleven^l sien. Waer of wi ons wel beraden hebben bi den keersmannen die si an beyden siden dair toe ghenomen hadden, ende siens met hem ghemeenlike over een ghedraghen also dat verAliet^m onse zuster hebben zal die twiedeel van den molenwater lande ter Tekelighe ende joncfrouwe Kateline ⁿ dat derdendeel van den zelven lande. Voirt zal die here wech binnen den dorpe te Wissenkerke^o legghende^{p q} op die noirtside van der kerke breet wesen viertich voete, ende alle here weghe buten dorpe zullen breet wesen twintich voete; ende dair se smaelre sijn men zal twintich voete breet maken, ende dair si breder sien dair zullen si hore brede behouden. Ende die playne beyde te Wissen kerke^r ende ter Nissen^s die zullen si half ende half deelen, die legghen buten hereweghe. Ende alle hofsteden die ghecavelt sien die zal jeghelijc besitten^t alsoe als si ghecavelt sien; ende die noch te delen sien die zullen si cavelen ende deelen^u bi Symon Jans sone van Cloetinghe, Aloud^v Arnouds f., Pieter Colijns sone ende bi Dieric Reylofs^w sone. Ende hofsteden dair si ghebrec of hebben van anderen luden die zullen si sonder archlist ghemene winnen ende half ende half delen. Voirt so zal onse zuster voirs. joncfrouwe Katelinen voirscreven gheven van der husinghen, hovinghe ende boengherden die si ghecoft heeft in reden ghelde zeven pond groete, ende van der molen ende molen werve twie ende dertich scellinghe ende zes penninghe groete. Ende hier bi segghen wise onderlinghe ghesceyden ende vereffent van allen eyske die Kerving^x voirs. yskede jof eysken mochte veren Aliden^y onser zuster voirs. van allen heren Jan^z Mulaerds^a' goede of dat dair of roeret^b', tote desen daghe toe van huden. Ende hier op hevet Kerving^c' voir hem, voir joncfrouwe Marien sinen wive ende voir joncfrouwe Katherinen^d' voirs. ende hoiren erfnamen veren Alyden^e' onser zuster voirscreven ende hoir arfname voir ons ende onse manne ewelike quite ghescouden ende van allen eyske verteghen die si van heren Jan^f' Mulaerds^g' weghen eysken mochten; ende alle stucken voirscreven sonder archlist.

Ende omme dat wi willen dat dit vaste ende ghestade bliven, zo hebben wi desen brief bezeghelt met onsen zeghele. Ende wi Alijt^h' van Zandenburch ende van Buren ende ic Kerving van Reymerswale^i' van joncfrouwe Kathelinen^j' weghen voirs., omme dat wi ons van desen zegghen voirscreven^k' ghenoeghen laten ende ghepayt houden, zo hebben wi desen brief mede bezeghelt met onsen zeghelen. Ende omme die mere zekerheyde so hebben wi ghebeden heren Florense^l' van Borsselen^m' ende Clayse van Bersele^n' sinen broeder dat si desen brief met ons bezeghelen willen. Ende wi Florens^o' van Bersele^p', ridder, ende Clays van Bersele^q' voirscreven^r', omme bede onser liever zuster der vrouwen van Zandenburch^s' ende van Buren ende omme Kervings^t' bede voirscreven, heb wi desen brief open bezeghelt met onsen zeghelen ^u' omme der^v' mere zekerheyde wille. Ghegheven in Middelburch^w' des zatersdaghes voir Midvaste int jaer ons Heren M CCC zes ende twintich.