Registers van de Hollandse grafelijkheid 1299-1345

Graaf Willem III geeft een schor aan zijn polder in Hinkelenoord uit in erfpacht, die de pachters zullen bedijken; naast betaling van de jaarlijkse pacht en de tienden zijn zij hiervoor vrij van schot, jaarbede en heervaart; de afwatering zal op dezelfde wijze worden geregeld als in de polder Hinkelenoord, en de graaf zal de dijkgraaf aanstellen.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi Willaem^a grave van Heynnegouwen^b etc. maken cond allen luden dat wi bi Jan^c Heynrix sone onsen rentemeyster van Bewester^d Scelt^e in Zeeland^f uytgheven hebben een scor legghende an onsen polre in Hinkelinhort^g te bedikene tot onser oirbaer, ons land^h ende der ghere diet bediken zullen, in deser maniere dat si ons gheven zullen van elken ghemete elcsⁱ jaers in enen erfpachte drie^j groete Tornoyse^k te inghaende meye na elken oechst; ende den ouden dijc zullen ^l si hebben ende ghelden van ghemete ghelike den lande voirs. Ende waer dat zake dat si den pacht^m voirnoemd niet en betailden ten daghe alst voirs. es, so machse die gheneⁿ dien wijt bevelen^o jof onsen rentemeyster van Bewester^p Sceld dair over panden ende beleeden omme anderhalfscatte pande binnen viertienachten, al gheeyghent^q van haren gherechten goede, waer dat gheleghen es. Ende hier bi zullen si van dese lande gheen scot gheven van jaer beden ^r noch van herevarden, het en ware dat si ons ^s jof den ghenen die na ons grave^t van Holland^u ende^v van Zeland^w wesen zal van siere gherechter oere dienen zullen ter rechter landwere binnen der core van Zeeland^x, mar si zullen ons altoes van den lande voirs. jaerlix gheven onsen rechten tiende; ende si zullen hair water leeden met haren coste ter orbaren ghelijc onsen polre in Hinkelinhorde^y, ende si zullen gheen bedrijf hebben van den ghemenen dijcgrave anders dan^z van den ghenen dien wier toe setten zullen.

In orkonde etc. Ghegheven in Middelburch^a' des zatersdaghes na onser Vrouwen dach in marte int jaer ons Heren M CCC ende^b' XXVI.