Registers van de Hollandse grafelijkheid 1299-1345

Graaf Willem III verklaart dat de door hem met instemming van de leenmannen van Beoosten en Bewesten Schelde uitgevaardigde keur betreffende het over en weer innen van schulden in Zeeland geen inbreuk zal maken op de rechten van heer Gerard heer van Voorne in diens hoedanigheid van burggraaf van Zeeland.

Wi Willaem^a grave etc. maken cond etc. dat alsulc recht ende kore als wi nu ghemaket hebben bi wilcore ende over eendraghen van allen onsen mannen ghemeenlike Beoistersceld^b ende Bewestersceld^c omme die scout te innen mallic van anderen over al in onsen lande van Zeelland^d, dat hebben wi doen maken behouden ons neven recht heren Gherards^e here van Voirne, burchgrave van Zeelland^f, ende sire nacomelinghe, alse verre alst hem toe behoirt van der burchgraefscip van Zeelland^g voirscreven; ende sonder alrehande archlist.

In oirkonde desen brieve bezegheld^h etc.ⁱ Ghegheven tote Zierixzee^j des vriendaghes na Paesdach int jaer ons Heren M^o CCC^o XXVIII^o.