Registers van de Hollandse grafelijkheid 1299-1345

Pieter Geroncsz. van Overbordene stelt al zijn goederen borg voor de tiende te Sint-Maartensdijk die abt en het Onze Lieve Vrouweconvent van Middelburg van hem hebben gekocht, en die in leen wordt gehouden van het kapittel van Oudmunster te Utrecht; de oorkonde wordt medebezegeld door graaf Willem III.

De bovenstaande datering is gebaseerd op de veronderstelling dat de paasstijl is toegepast, en dat op de betreffende 'vrijdag na Palmzondag' (dat is Goede vrijdag) het nieuwe jaar nog niet was ingegaan. Zie de Inleiding.

Allen den ghenen die desen brief sullen sien of horen lesen make ic cond Pieter Gheronx sone van Overbourdine^a dat ic ghelovet hebbe ende ghelove mit desen brieve op al min goid dat ic hebbe, roerende ende onroerrende, soe wair ende wat goide dat gheleghen is, mine here den abt ende den convente van Onser Vrouwen in Middelburch^b te wairne alsulken tiende als ic hem vercoft hebbe, legghende in Sinte Martijns^c dijc, dar^d si opene brieve^e of hebben van den deken ende den ghemeenen^f capitel^g van Oudemonster^h toit Utrecht, dair men den voirseiden tiende of hout.

Inⁱ oirkonde desen brieve bezeghelt med minen zeghele^j. Ende omme die meere sekerhede soe hebbe ic ghebeden^k minen lieven ende ghetrouwen^l here, minen here den grave van Heynnegouwen^m, van Hollandⁿ, van Zeelland^o ende here van Vriesland^p, dat hi desen brief op mi^q bezeghelen wille. Ende wi Willaem^r grave van Heynnegouwen^s, van Holland^t voirs. omme die bede van Pieter Gheronx sone voirscreven zoe hebben wi in kennessen der wairiden desen brief bezeghelt^u met onsen zeghele. Ghegheven in Middelburch^v des vriendaghes na Palmen sonnendach int jair ons Heren M^o CCC^ow XXVII^o.