Registers van de Hollandse grafelijkheid 1299-1345

Graaf Willem III verpacht Nicolaas Jansz. van Abbenbroek de 5 gemet tienden gelegen tussen Zuidvliet en de weg bij het moer in het ambacht Kats, welke door Simon Hugelijnsz. aan hem waren opgedragen nadat deze ze aan Nicolaas had verkocht.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi Willaem^a grave etc. maken cond etc. Want Symon Hughelinen^b sone voir ons quam ende verliede dat hi vercoft hadde Clays^c Jans sone van Abbenbroeke, alse verre alst onse wille waire, vijf ghemete tienden legghende tusken Zuitvliet^d ende tusken den weghe bi den moere in Cats ambocht, die hem ane versturven wairen van sinen vader ende van Janne sinen broeder, ende hi ons op ghedraghen heeft tote Clays^e behoef voirs., ende sine brieve somme dair of op gheleverd heeft also verre als hi seyde dat hi se hadde; zoe hebben wi Claise voirs. gracie ghedaen ende hebben hem dese vijf ghemete tienden voirscreven verliet, behouden elken anderen sijns rechts^f, van ons te houden ende te besitten in allen manieren alse die brief hout die bi wilcore van ons ende van onsen mannen van Zeelland^g dair of ghemaket ende bezeghelt es. Ende hier of zoe sal hi ons jairlix te pachte gheven XX d. Hollands^h.

In oirkonde desen brieve bezeghelt met onsen zegheleⁱ. Ghegheven in Middelburch^j op den Scortelwoensdach int jair ons Heren M^o CCC^o XXVII.