Registers van de Hollandse grafelijkheid 1299-1345

Graaf Willem III bepaalt dat jonkvrouw Maria, echtgenote van Jan heer Gillisz. van Sabbinge, na Jans overlijden zo lang in het genot van haar door Jan geschonken lijftocht zal blijven als zij na de meerderjarigheid van Jans kinderen ongetrouwd zal blijven.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi Willaem grave van Heynnegouwen^a etc. maken cond etc. dat onse manne voir ons tugheden dat Jan ser Gillijs^b sone van Sabbinghe^c ghemaket hevet joncfrouwen Marien sinen wive toit hare lijftocht al dat ambocht ende tiende die hi selve hadde, ende al dat ambocht ende tiende^d die hem op comen mochte van Coline^e van Sabbinghe sinen broeder na joncfrou Natalyen^f doit, die^g sijn wijf was; ende want Jan voirs. hoir enen brief dede maken van onsen weghen bi hem selven dat hoir lijftocht niet langher en soude dan sine kindere hor daghe hadden, zoe verclaersen wi dat ende willen dat si hoir lijftocht voirscreven^h behoude ende ghebruke also langhe na dien dat Jans kindere hoir daghe hebben als si sonder man sit na Jans doit voirs.; ende ghelovense dair in te houden als wi sculdich sien te doene na sede ende coustume van onsen lande.

In orkonde etc. Ghegheven in Middelburch int jaer ons Heren M° CCC° acht ende twintich des vriendaghes voir Grote vasten avond.