Registers van de Hollandse grafelijkheid 1299-1345

Willem van Henegouwen, zoon van graaf (Willem III), doet samen met de gemene Raad op aangifte van Hendrik zoon van Willem Hugen Bastz. uitspraak in een geschil tussen jonkvrouw Geile, echtgenote van Simon Simonsz., enerzijds en Hendrik Simonsz. anderzijds betreffende nader omschreven goederen die Geile van haar echtgenoot in lijftocht had ontvangen en betreffende schuldbrieven die Simon daarna aan Hendrik had gegeven; bepaald wordt dat de lijftocht voorrang heeft, maar dat Hendrik uit eventuele andere goederen schadeloos gesteld moet worden waarna, zolang Simon en Geile beiden leven, de tekorten moeten worden aangevuld uit de opbrengsten van de lijftocht.

De termina in de bovenstaande datering zijn afgeleid uit de data van de omringende oorkonden in het register.

Wi Willaem^a van Heynnegouwen^b, sone sgrave^c etc.^d, maken cond etc. dat voir ons quam Heynric^e Willaem^f Hughe^g Bast f.f.^h ende toghede ons dat hi een segghen op hadde tuisken joncfrou Gheylenⁱ, Symon Symons f. wijf, alse van hare lijftocht die Symon hoir ghemact hadde op Koeden land ende opt land dat Dankart^j van Hout^k te pachte hadden op die Edekijnghe^l, ende op al die hofsteden die Symon hevet binnen Emelisse ende dair buten ende mit^m derⁿ erfliker scoennisse, ende op die renten van sinen molen, mid brieven die hi selve ende scepene van der Edekinghen^o beseghelt hebben, op die ene side, ende Heynric^p Symons f.^q die brieve hadde van scoude op Symon Symons f. die ghegheven waren seder^r die tijd dat de brief van der lijftocht ghemact was op dander side, ende begheerde ons raets dair toe wilc hore dat ghestade bliven soude van den brieven voirscreven. Wair of wi over een droghen mid onsen ghemenen Rade, ende rieden hem te segghen die brieve van der joncfrou lijftocht ghestade; ende ware dair anders enich goed, dat men Heynric^s dair mede voldede; ende dat dair an ghebrake, dat hi dat in name van den renten ^t van der lijftoch voirscreven also langhe als Symon ^u ende jonfrou Gheyle beyde leven^v ter tijd toe dat hi betaild ware; ende dat Symon na dese tijd dese voirscreven lijftocht noch die renten mid sinen brieven noch cope niet meer^w besuaren en mochte langher dat^x hi levede.

In orkonde etc. Ghegheven int jaer ons Heren M CCC XXXI^o.