Registers van de Hollandse grafelijkheid 1299-1345

Graaf Willem III doet na overleg met zijn Raad uitspraak in het geschil tussen de heer van Voorne enerzijds en heer Floris en Nicolaas van Borsele anderzijds over de lijftocht van wijlen de vrouwe van Voorne die laatstgenoemden nog aan de eerste schuldig zouden zijn, waarbij hij bepaalt dat Floris en Nicolaas de heer van Voorne het derde deel van 1.300 pond Tournois moeten betalen, waarmee de zaak zal zijn afgedaan.

Wi Willaem^a grave etc. maken cond etc. dat wi van den eyske die onse lieve neve die here van Voirne eyskende was heren Florens^b ende Clays^c van Borselen alse van onser nichten, sire moeder, lijftocht der vrouwen van Voirne, die hi seyde dat hoir besceyden was bi horen leven, ende hair Florens^d ende Clays^e op antworde dat sire niet of sculdich^f en waren om dat si starf voir den termine van den payment, ende des si an beyden side ons bleven, ons wel beraden hebben mit heren Janne van Heynnegouwen^g onsen lieven broeder, mid heren Walraven van Liny onsen lieven neve, mid den here van Pottes^h, mester Heynricⁱ van Gheldenake^j, mester H. den Lofen^k ende mit anders onsen Rade mit goeder voirsienichede, ende uten onse segghen: om dat wi wel kennen dat onse nichte die vrouwe van Voirne ons^l dicke croende ende claghede dat si hoir ghene vorwairde ^m en helden, ende omme dat wi alle stucken dair mede vereffen willen die van der lijftocht roeren vorscreven, ende segghen dat hair Florensⁿ ende Clays^o gheven sullen den here van Vorne^p te^q onser Vrouwen daghe te half oiste^r naist comende terdendeel van dortien hondert ponden, dat coemd vier hondert drie ende dortich pond ses scellinghe ende achte penninghe Tornoyse^s, ende dat si den here van Voirne dair of seker doen dats hem ghenoeghet; ende dair mede alle stucken die van der lijftocht roeren quite.

Ghegheven te Mabuegen des wonsdaghes^t na Pinxter dach int jaer ons Heren M CCC een ende dortich.