Registers van de Hollandse grafelijkheid 1299-1345

Graaf Willem III geeft jonkvrouw Alene, dochter van heer Hendrik Buffel ridder, 60 pond Tournois per jaar uit de watermolen van Vlissingen, waarvan 40 pond in recht leen en de andere 20 pond voor de duur van haar leven; in ruil daarvoor zal jonkvrouw Alene afzien van alle aanspraken die zij nog op hem mocht hebben.

Wi Willaem^b grave etc. maken cond etc. Want jonfrou Alene, heren Heynric^c Boffels^d dochter ridders, crankeliken ghegoed es ende si ons langhetijd om ^e goeddoen ghevolghet hevet, so hebben wi hoir om Gode ende om goeder lude bede gracie ghedaen ende hebben hoir ghegheven ende gheven LX lb. Tornoyse^f sjaers, den groeten over sestien penning gherekent, des sullen si ende hoir kinder die si hebben sal bi Goeswijn horen man die viertich pond Tornoyse^g van ons ^h houden ten rechten lene, ende die ander XX lb. Tornoyseⁱ sal si niet langher hebben dan toit horen live, ende na hare doet sullen si vrililken weder an ons comen^j; wilke renten voirscreven wi hoir bewisen jaerlix in te nemen op onse watermolen te Vlissinghe, diene^k helft alle jaere te sente Odolfs^l daghe^m ende die ander helft toit Alre heylighen misseⁿ dair naist comende, ter tijd toe dat wise elwair in sekeren goede bewijst hebben. Ende hier bi heeft si ons ende onsen arfnamen voir hoir ende horen arfnamen ewelike quite ghescouden van allen eysche die si ons van enighen rechte eysken machten toit desen daghe toe.

In orkonde etc. Ghegheven te Kaynoyt^o op den Pinxter dach int jaer XXXI°.