Registers van de Hollandse grafelijkheid 1299-1345

Graaf Willem III bevestigt de schenking door heer Gerard heer van Voorne, burggraaf van Zeeland, aan diens echtgenote vrouw Elizabeth, dochter van heer Dirk graaf van Kleef, van 700 mark Brabants per jaar uit verschillende met name genoemde renten en goederen, en regelt tevens de vereving van de heerlijkheid Voorne, waarbij in het geval van het ontbreken van zonen de inkomsten van eventuele dochters worden gespecificeerd; de oorkonde wordt medebezegeld door heer Gerard.

Willem grave^a van Heynnegouwen^b, van Holland^c etc. maken kenlijc allen luden dat een edel man, hair Gheraird^d here van Voirne, burchgrave van Zeeland, onse lieve neve^e, met onser hand ghemaket heeft veren^f Lysebetten sinen wive, dochter eens hoeghes edels mans heren Dierix graven^g van Cleve, zeven hondert marc Brabands sjairs, drie scellinghe groeter Turnoyse^h voir eene marc Brabantsⁱ gherekent of payment dat dair voir gaet, tote haerre rechter lijftocht te ghebruken alsoe langhe als si leven sal, wilke zeven hondert marke sjairs voirs. ver Lisebet^j vrouwe van Voirne voirscreven jairlix op heffen sal ende innemen na sheren live van Voirne aen dien renten die hier na ghenoemt staen, dats te weten an dien renten van den wintmolen, watermolen, olymolen ende an den ghemale van den Briele, van den Rugghe, van Oistvoirne^k ende van den Zwartenwale^l, ende an den renten van den jairscoten van Oestvoirne^m, van den Zwarten wale ende van Veechoec, ende an den renten van den wanthusen, vleyschhusen, die stalle van scoemakers ende van mersemans van binnen, vreemde stallen, bier tollen, waghen, maten, hoeken, ende uter visch tolne ten Briele twalif pond Hollandsⁿ sjairs, ende an den renten van den veren van den Briele toit Doirdrecht^o, te Rotterdamme ende over den Bryel^p, ende ten Zwarten wale, ende an den renten van den vischtollen ter Goeder rede^q ende an den vischerien in Veechoec ende ten Zwarten wale ende an der^r vischerien ^s ende voghelien buten dijc, ende an den renten van Loefs dijc^t in Oestvoirne^u ende den middeldijc te Zwarten wael^v; ende alle die renten van desen voirscreven goeden zal ver Lisebet^w die vrouwe van Voirne voirnoemt na live des heren van Voirne voirscreven ghebruken ende hebben toit hoirre rechter lijftocht voir die seven hondert^x marcke tsjairs, ende dair in gheloven wise te houden ende te bescarmen na der custumen ende rechte van onsen lande. Voirt wairt zake dat die here van Voirne voirs.^y sone jof zonen wonne bi veren Lisebetten^z sinen wive vrouwen van Voirne voirscreven, die outste sone na tsheren live van Voirne sal gheervet wesen an die heerscap van Voirne, ende die sone sal sine broedere ende sine sustere die die here van Voirne winnet^a' bi veren Lisebetten^b' vrouwen van Voirne voirscreven goeden bi sier vrienden rade. Wairt oec sake dat die here van Voirne voirs. dochter jof dochteren wonne bi veren Lisebetten^c' vrouwen van Voirne voirscreven ende negheenen sone, die dochter of dochteren sullen gheervet wesen tote tween dusend ponden sjairs zwarter Turnoyse^d', eenen groeten coninx Tornoyse^e' gherekent voir sestien penninghe, aen sheren goeden van Voirne, ende dair toe sullen si gheervet bliven na hoirre moeder live an dien zeven hondert marken sjairs voirscreven die ver Lisebet^f' vrouwe van Voirne voirnoemt^g' houden sal te lijftochte alse voirs. es; wilke twee dusend pond sjairs die here van Voirne voirs. met onser hand ghemaect heeft ende bewijst tote den voirseyden dochter of dochteren behoif aen dien renten die hier na ghenomet staen: in den eersten aen den renten van der visch tollen ten Bryele, an den jair scote al dair, aen den molen ende den ghemail in Westvoirne^h', ende an den renten die die here van Voirne voirs. heeft in tambocht van sGraven zande, int Oudeland, int Nieweland, op die weyde ende op den Vorschen^i' Wail, in den hoec van Blomendale, die gras hure van den Andeel, van den molen ende van den ghemael aldair, van den renten die hi heeft in Monster ambocht, die erfhure in den Poildijc, die lijfhure die men heet den Ouden pacht, tland dat men heet tLand van Lisse, die hofstede hure in den Poeldijc, die lantwinninghe in Zantambocht^j' ende int^k' Monster^l' ambocht, aen den renten die hi heeft int ambocht van Maseland op hondert een ende tachtich morghen lands, aen dien renten die hi heeft int ambocht van Warmonde op den gheest ende int^m' broec ende tland dat der^n' woninghen toe behoirt, die tijns te Warmonde ende Wouters land van Gheylewijc ende twailf morghen lands die heren Jans waren van der Wateringhen, tien marghen lands die Hughen waren van der Brugghen, ende int ambocht van der Haghe ende van der Wateringhe^o' tien marghen lands die heren Willaem Boudijns kindere waren, ende int ambocht van Rijswijc zeven tien^p' morghen lands, ende int ambocht van Zwadenborgher damme zes marghen lands, ende int ambocht van Naildwijc twailf marghen lants die heren Jans waren van den Zyle, ende an den renten die hi heeft in Vriesland^q', te Scermer, te Misen^r' ende te Ursen, ende an den renten van den tiende in die Rotte. Ende alle dese voirscreven goede ende renten, behalven die zeven hondert marcke sjairs die ver Lijsbet^s' vrouwe van Voine voirscreven houden sal te lijftocht, heeft die here van Voirne bewijst ende met onser hand ghemaect tote siere dochter of dochteren behoif voir twee dusend pond zwarter Turnoyse^t' sjairs, in allen manieren ende voirwairden als voirscreven is^u'; ende alle dese goede ende renten voirs. sal ver Lisebet^v' vrouwe van Voirne voirs. ende huer kindere die si bi den here van Voirne voirs. winnen sal van ons ende van onsen nacomelinghen houden.

Ende in orkonde ende in vestenisse alle deser voirscevenre dinghen zoe hebben wi voir ons ende voir onse nacomelinghe dese brief open beseghelt met onsen zeghel. Ende wi Gheraird^w' here van Voirne, burchgrave van Zeeland^x' voirnoemt, want een hoghe prinche onse lieve here die grave van Heynnegouwen^y' ende van Holland^z' alle dese voirscreven stucken ghedaen, ghemaket ende ghevest heeft om onser bede ende begheerten wille, zoe hebben wi onsen zeghel mede ghehanghen an den selven openen brief. Ghedaen ende ghegheven int jair ons Heren M° CCC° twee ende dortich des donresdaghes na Pincsten.