Registers van de Hollandse grafelijkheid 1299-1345

Graaf Willem III maakt in het bijzonder de ambachtsheren van Zuid-Beveland bekend dat hij de monniken van Ter Doest en hun goederen gelegen in zijn land in zijn bescherming neemt, en dat hij degenen die daarop inbreuk maken zelf zal berechten.

Wi Willem^a grave van Heynnegouwen^b, van Holland^c etc. maken cond etc. ende sonderlanghe den heren van Zuytbeveland^d dat wi die moencke^e vander Doys ende al hoir goed dat leghet binnen onsen lande hebben ghenomen in onse bescermenisse, ende en willen niet ende verbieden datse yement moye boven hoirre privilegien die sie van ons of van anderen heren hebben, noch in te daghene noch in te pandene, ten sie bi den rechte van onsen lande; ende wair dat sake datse yemant hier boven moyen wilde, dat houden wi te^f onswairds ende willer selve segghen of segghen te elkerlike rechte. Dit sal gheduren toit onsen wedersegghen.

Ghegheven te Caynot int jair ons Heren M CCC XXXII° up sente Symons ende sente Juden dach der apostolen.