Registers van de Hollandse grafelijkheid 1299-1345

Graaf Willem III verpacht aan Jan Mulard zoon van Jan Oloudsz., Nicolaas Pietersz. in Wemeldingen en Simon zoon van Gerard Ouwenz. de 289 roeden tienden in Wemeldinge die de eerdere pachter Jan Gerardsz. van Wemeldinge hun met zijn toestemming had verkocht.

Wi Willem^a grave^b van Heynnegouwen^c, van Holland^d, van Zeland^e ende here van Vriesland maken cond allen luden dat Jan Gherards^f sone van Wemeldinghen sine twie hondert neghen ende tachtich roeden tienden legghende in Wemeldinghen, ende die hi van onse in pachte helt omme achtendalf penninghe Hollands^g jaers^h, bi onsen goeddencken vercoft hevet Janne Mulairde Jan Oeloudⁱ soens sone, Cleys^j Pieters sone in Wemeldinghen ende Symon Gherards^k Ouwen soens zone, omme eene somme van ghelde dair si hem of voldaen hebben; wilken tiende voirscreven wi verliet hebben ende verlien Jan Mulairde, Cleyse^l Pieters sone ende Symon Gherards zone voirscreven evenghelike van ons in pachte te houden, behouden elken anderen sijns rechts, in allen dien manieren ende rechte dat die brief houd die bi wilcoren der mannen van Zeeland^m dair of ghemaect ende bezeghelt is; ende hier of zullen zi ons jairlix te pachteⁿ gheven acht ende dalf penninghe Hollands^o in allen manieren als die brief houd voirscreven.

In orconde desen brieve bezeghelt met onsen zeghele^p. Ghegheven in Middelburch^q des sonnendaghes voir sinte Victoers^r dach int jair ons Heren M° CCC° XXXIIII°.