Registers van de Hollandse grafelijkheid 1299-1345

Graaf Willem III schenkt Jan Hendriksz. 12 gemet land bij Ter Hoge in het ambacht Koudekerke, die deze van hem als recht leen had gekocht, in recht eigendom.

De door Jan Hendriksz. overgegeven en 'gescheurde' oorkonde, waarvan in de tekst sprake is, zal wel de in het register A voorafgaande tekst ZE 648 betreffen, die aldaar is doorgestreept; dit is een oorkonde van 20 oktober 1334, met een grotendeels gelijke rechtshandeling.

Wi Willem^a grave^b van Heynnegouwen^c, van Holland^d, van Zeeland^e ende here van Vriesland^f maken cont allen luden dat wi Jan Heynrix^g sone vercoft hadden tualif ghemete lands littel min jof meer van ons te houden in rechten leene, die ons ane quamen van Symon van der Hoghen, ligghende ter Hoghen in Coudekerke^h ambocht; ende want wi hem dat land ghelovet hadden te waren met onsen open brieve van sinen cope, dieⁱ hi ons op leverde^j ende ghescoirt is, soe hebben wi Jan Heynrix^k sone voirscreven ghegheven ende gheven met desen brieve dit voirs. land in arven, hem ende sinen arfnamen vrielike te ghebrukene ende te blivene in rechten eyghendoeme; ende des lands gheloven wi hem recht warent^l te wesen.

In orconde desen brieve bezeghelt met onsen zeghele^m. Ghegheven in Middelburchⁿ des saterdaghes na sinte Lucas dach int jair ons Heren M° CCC° XXXIIII°.