Registers van de Hollandse grafelijkheid 1299-1345

Graaf Willem III verpacht heer Toneman, heer Dankard en Simon en Nicolaas zoons van Pieter Simonsz. van Wemeldinge een derde part, Simon Gerardsz. een derde part en Willem Oelardsz. een derde part van de 289 roede tienden in Wemeldinge die de eerdere pachter Pieter Bollaardsz., broer van Jan Gerardsz. van Wemeldinge, hun met zijn toestemming verkocht heeft.

Wi Willem^a grave^b van Heynnegouwen^c, van Holland^d, van Zeland^e ende here van Vriesland^f maken cont allen luden dat Pieter Bollaird^g, Jan Gherards soens ^h broeder van Wemeldinghen, sine twee hondert neghen ende tachtich roeden tienden ligghende in Wemeldinghen, die hi van ons in pachte helt omme achtendalf penninghe Hollandsⁱ jaers^j, bi onsen goeddencken vercoft hevet heren Tonemanne^k, heren Dankairde^l, Symon ende Cleyse^m Pieter Symons soens kindere van Wemeldinghen, Symon Gheretsⁿ sone ende Willem Oelairds sone, omme ene somme van penninghen dair si hem of voldaen hebben; wilken tiende voirscreven wi verliet hebben ende verlien heren Tonemanne, heren Dankairde, Symon ende Cleyse^o Pieter Symons soens kindere een dordendeel, Symon Gherets^p sone een dordendeel ende Willem^q Oelairds sone een dordendeel van ons in pachte te houden, behouden elken anderen sijns rechts, in allen dien manieren ende rechte dat die brief hout die bi wilcoren der mannen van Zeeland^r dair of ghemaict ende bezeghelt is; ende hier of sal hi^s ons jairlix te pachte gheven achtendalf penninghe Hollands^t in allen manieren als die brief hout voirscreven.

In orconde desen brieve bezeghelt met onsen zeghele^u. Ghegheven in Middelburch^v des saterdaghes na sinte Lucas dach int jair ons Heren M° CCC° XXXIIII°.