Registers van de Hollandse grafelijkheid 1299-1345

Graaf Willem III beleent Godschalk Heinenz., poorter van Dordrecht, met een erfelijke rente van 21 pond Hollands uit de beden van Oud-Giessen en het ambacht Sliedrecht, welke hem daartoe was opgedragen door Jan van Noordeloos; ter compensatie beleent hij de laatstgenoemde met land in Slingeland en in heer Harbarens gerecht in de Grote Waard, dat Jan hem had opgedragen.

De onderstaande tekst is gebaseerd op afschrift B.

Wi Willaem^b grave van Heneghouwen^c etc. maken kont allen luden dat Jan van der Noerdeloes ons up ghedraghen hevet ene ende twintich pond Hollands^d sjaers die hi van ons te leene helt ute onser beden tote Outghisen ende int ambocht van Slidrecht, tote Goetsscalc^e Heynen soens behoef ons porters in Dordrecht^f, wilke enen ende twintich pond Hollands^g sjaers wi verliet hebben Goetscalc^h voers. ende sinen kinderen, eest zone eest dochter, van ons te lene teⁱ houden in der manieren dat mense na Goetscalcs kinderen doet van ons in rechten leene houden zal. Ende omme dat wi Goetscalke voerseyd dese voers. renten verliet hebben, zoe hevet ons^j Jan van der Noerdeloes op ghedraghen ende van ons ontfaen^k te lene zestien morghen lands int Slingheland ende vier morghen lands in den Groten Waert^l int sheren Harbaerns^m gherechte.

In orkonde desen brieve bezeghelt met onsen zeghele. Ghegheven tote Dordrechtⁿ des dinxendaghes na des Heyligher crusen dach in september int jaer ons Heren M CCC ende twintich.