Registers van de Hollandse grafelijkheid 1299-1345

Graaf Willem III geeft aan zijn leenman Gerard van Wieldrecht wildernissen met tienden in de ambachten Raamsdonk, Wieldrecht en Twintighoeven in erfpacht, alsmede het lage gerecht van een van die goederen, waarbij deze het Broek pachtvrij mag behouden; na diens dood zullen alle goederen weer aan de graaf toevallen.

De bovenstaande termina van de datering zijn die van het paasjaar 1313.

Vgl. nr. WI 302.

De onderstaande tekst is gebaseerd op afschrift B.

Wi Willaem^b grave van Heneghouwen^c etc. maken kont allen luden dat wi ghegheven hebben ende gheven^d Gheraerd^e van Wieldrecht, onsen trouwen man, alsulc goet ende alsulc erfnesse als hier na ghescreven staet. Dat es te verstane alle die wilderd die gheleghen es jeghens den ambochte van Ramsdunc^f tusken Tielmans^g verBeken soens moer ende tuysken tRijsebroec^h buten den dijc dijtⁱ ghemene land daer helt toter Duncga^j toe, in enen eweliken erfsins^k van elker hoeve te ghevene twaelf penninghe groter Tornoyse^l elcs jaers^m, alle jare te ghevene te sinte Martijnsⁿ misse in den winter^o; ende hier of zal hi ons den eersten pacht gheven van sinte Martijns misse^p naest comende^q over twie jare. Voird so wat lude dat bi^r Gheraerd^s voers. op dese voerseyde wildert ende hoeven comen binnen den voerseyden palen, dien zullen ter tafel niet comen voer den baeliu, mar Gheraerd^t zal daer of een rechter wesen van alre misdaet die si up die wilderd mesdoen, en^u si van den hoghesten gherechte, dats te wetene van manslachte, van diefte, van vredebrake, van vrouwen te vercraftene ende van moerdbrande, die zullen wi doen berechten onsen baeliu van Zuytholland^v gheliken datmen anders waer doet in Zuytholland^w van zulker sake; daer bi zal Gheret^x voers. sijn dordendeel daer an behouden. Voerd soe hebben wi ghegheven ^y ende gheven Gheraerd voers. alle die wilderd^z die gheleghen es tieghens tamboch van Wildercht^a' ende jeghens tambocht van Twintich hoeven tuysken^b' den ambochte van der^c' Wede^d' an die ene zide ende den ambochte van Dubbelmonde an die ander zide, upwaerd^e' gaende also verre als onse graefscip gaet ende also verre alst ongheert ende onghesayt es, ende dit zal hi hebben in alsulken^f' pacht ende in alsulker manieren alse voers. es, sonder allene dat Gheraerd^g' voers. van deser voerseyder wilderd jeghen den twien ambochten voers. en^h' ghienen pacht gheven en sal also langhe als hi levet. Voerd soe en sal Gheraerd^i' voers. up alle dese wilderd voers., beyde boven ende beneden, niement brenghen ute onse lande noch verpachten, en sie bi ons. Voerd soe ist voerwaerde dat Gheraerd^j' voers. behouden zal den Broec tsiere orbaer ende tsiere nutscip also langhe als hi leeft sonder ons enighe thijns of enighen pacht daer of te ghevene, also als hi gheleghen es; ende na Gheraerds^k' levene voers. soe zal alle dese voers. wilderd ende Broec an ons comen met anders sinen goede dat hi van ons hout; ende hier bi soe sal Ghererd^l' voers. alle die tiende ghebruken ende behouden van desen voerseyde goede also langhe als hi leeft^m'.

In orkonde desen brief bezeghelt met onsen zeghele. Ghegheven int jaer ons Heren M CCC ende dortiene des d d d^n'.