Registers van de Hollandse grafelijkheid 1299-1345

Graaf Willem III beleent Hendrik van Liedekerke met een jaarrente van 50 pond Hollands uit de zoutmaat van Dordrecht; een eerdere schenking van goed in de Riederwaard heeft deze hem teruggegeven.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

De onderstaande tekst is gebaseerd op afschrift B.

Wi Willaem^a grave van Heneghouwen^b etc. maken kont allen den ghenen die desen brief zullen sien of horen lesen dat wi omme menighen goeden dienste die ons onse lieve ende ghetrouwe neve Heynric van Liedekerke^c ghedaen hevet ende noch doen zal, hem ghegheven hebben ende gheven van ons ende van onse nacomelinghen hem ende sinen nacomelinghe te houdene te rechten lene vijsticht^d pond Hollands^e sjaers, daer hi onse man of worden es, die wilke vijstich^f pond Hollands^g sjaers wi bewisene hem in tenemene ende tonfanghene up die vijf ende zestich pond Hollands^h sjaers die ons onse scroeders van Dordrechtⁱ jaerlix sculdich sijn van onser soutmate van der poerte voerseyt, toter tijd dat wine bewijst^j hebben ende beset van den voernoemden vijftich ponden Hollands^k sjaers in anderen steden binnen onsen graefscepen, sonder arghenlist; ende ombieden onsen rentemeyster van ^l Holland^m, wie dat hi es jof hier na wesen sal, dat hi dien voernoemden Heynrike onsen neve jof sinen ghewaerden bode sonder merren ende sonder ander ghebod van ons te hebbene hem die voernoemde renten jaerlix betale ute onsen renten voerseyt die ons onse scroders van Dordrechtⁿ jaerlix sculdich sien, te sulken tiden als hise van onsen weghen pleghet tontfanghene. Ende up dat voerseyt^o es heeft ons Henric^p quite ghescouden ghehelike ende al die ghifte die wi hem ghegheven hadden up Boudijns goet van Roeden, die doe onse balling was, legghende in Zuytholland^q binnen Rieder waerd^r.

In orkonde desen brieve bezeghelt mit onsen zeghele. Ghegheven te Berghen^s in Heneghouwen^t des donresdaghes na Dertiende dach ^uint jaer van twintighen^v.