Registers van de Hollandse grafelijkheid 1299-1345

Graaf Willem III belooft Zweder van Montfoort de 1.000 ponden zwarten Tournois, die hij van hem had geleend, binnen een jaar terug te betalen, en hij verplicht zich om bij niet nakoming daarvan met een aantal met name genoemde borgen in Utrecht in leisting te zullen gaan.

Gezien de in het register omringende oorkonden, die alle uit einde 1320-begin 1321 dateren, moet deze oorkonde zijn uitgevaardigd in januari 1321, en dus niet in 1322, het jaar dat toepassing van de gebruikelijke paasstijl zou opleveren (zie de Inleiding). De meest waarschijnlijke verklaring voor deze anomalie is een simpele vergissing van de scribent in het jaartal.

De onderstaande tekst is gebaseerd op afschrift B.

Wi Willaem^a grave van Heneghouwen^b, van Holland^c etc. maken kont allen luden dat wi sculdich sien van gheleenden ghelde Zueder^d van Montfoerde onsen lieven zuager dusend pond suarter^e Tornoyse^f, enen goeden^g grote coninx Tornoys^h voer zestien penninghe ende enen goeden Hollansche voer II penninghe gherekent, te betalen Zueder voerseyt ofte den ghenen die houder es des briefs in Dertiendagheⁱ die naest comende es na der date van desen brieve. Waerddat^j dat wi des niet en deden, soe sullen wi ende onse borghen die wi hier op hebben gheset mit ghesamender^k hant ende elc voer al, eersame lude als here Jan here van Arcle^l, here Zueder van Abecwoude^m, here Coenraerd van Oesterwijcⁿ, ridderen, Otte van Zulen, Gheraerd^o Splinter van Niewenrode^p, knapen, Jan heren Roetaerds sone^q, Jan Grawaerd^r, Pieter van den Velde, Jan die Boele, Jan Meynaerd^s, Ghizebrecht^t uten Waerde^u ende Jacob Goedscalcx^v sone, borghers tUtrecht, te maninghe Zueders van Montfoerde^w voers. of den ghenen die houder es des briefs of sijns boden in comen sonder weder segghen, alsoe: zoe wie soe^x eerst ghemaend word, die zal eerste in comen in ene herberghe binnen der stat van Utrecht daer ons Zueder voerghenoemt^y of die ghene die houder es des briefs of sijn bode in wijst, aldaer des daghes rechte maeltiden etene, ons selven te winnen, dane niet te sceyden; noch onser ghene mach dane sceyden noch quite wesen mit sinen aendele van deser voerghenoemder scout, dese voerseyde penninghe en sijn Zueder van Montfoerde^z voerghenoemt^a' of den ghenen die houder^b' es des briefs vol ende al betaelt, mitten coste dien hi dade om ons ende onse voers. borghen in te manen. Ende waer dat zake^c' dat enich van onsen voerseyden borghen hier binnen storve, dat God verbieden moete, soe zullen wi Willaem grave van Heneghouwen^d' etc., principael saecwode voerghenoemt, setten enen anderen goeden man in des gheens stat die van onsen voerseyden borghen ghestorven ware, binnen viertiendaghe na siere doet. Waerd dat wi des niet en daden, soe zullen wi ende onse voerseyde borghen te maninghe Sueders voerghenoemt of des ghenen die houder es des briefs of sijns boden incomen leesten sonder enich wedersegghen tot Utrecht in ene herberghe in allen dien voerwarden als hier voer bescreven staet, ende daer niet uyt te sceyden, wi en hebben enen anderen goeden man gheset in des gheens stad die van onsen voerseyden borghen ghestorven ware. Ende soe wie van ons danne laghe voer ander^e' scout^f' of selve niet leesten en mochte, es hi ridder hi sal voer hem legghen twie goede knapen, ende es hi^g' knape of borgher tUtrecht hi sal voer hem legghen enen anderen goeden knape, mar wi Willaem^h' grave etc., principale saecwoude voerghenoemd, zullen voer ons legghen twie ridderen of viere goede knapen. Ende waer dat sake dat yemant van ons hier of sijn trouwe verbrake, dat God verbieden moete, daer mede en moghen hem die ander niet bescudden, noch Zueder van Montfoerde voerghenoemt^i' of die ghene die houder es des briefs en^j' es niemand sculdich trouweloes te scelden of te verwinnen mit enighen rechte, hine wilt doen, noch men sals hem niet verghen. Alle dese voerwarden gheloven wi Willaem^k' grave etc., principale saecwoude voerseyt, ende wi Jan here van Arcle, Zueder van Abecwoude, Coenraerd van Oesterwijc, ridderen, Otte van Zulen, Gheraerd^l' Splinter van Niewenroede^m', knapen, Jan heren Roetaerds^n' sone, Jan Grawaerd^o', Pieter van den Velde, Jan die Boele, Jan Meynaerd^p', Ghizebrecht^q' uten Warde^r' ende Jacob Ghoedscalx^s' sone, borghers tUtrecht, borghen voerghenoemd, mit ghesamender hand ende elc voer al mit goeden trouwen ende sonder alrehande archeyt vast ende ghestade te houden ende te voldoene.

In orkonde des briefs bezeghelt mit onsen zeghelen. Ghegheven int jaer ons Heren M CCC een ende twintich des donresdaghes na Dertienden daghe.