Registers van de Hollandse grafelijkheid 1299-1345

Graaf Willem III gelast de baljuw van Zuidholland en de schepenen van Dordrecht dat zij Elizabeth, weduwe van Jan van Noyen, jaarlijks 10 pond zwarten Tournois betalen uit de in Zuidholland gelegen goederen van wijlen Ricoud van Noordeloos, omdat deze het land had verkocht waarop Elizabeths lijftocht was gevestigd.

De onderstaande tekst is gebaseerd op afschrift B.

Wi Willaem^a grave van Heneghouwen^b etc. maken kond allen luden dat wi verstaen hebben ter waerheyt van^c Ricoud^d van Noerdeloes vercoft^e hevet asulc^f land alse daer Lisebet^{g h} Jans wijf van Noyen was opⁱ hadde in lijftochten tien pond zuarter Tornoyse^j sjaers, waer of dat wi over een ghedraghen sien mit onsen ghemenen Rade ende bi onsen scepene van Dordrecht^k dat men haer die X lb. zuart^l voerseyd uyt reke ende betale alle jare van Ricouds goede voerseyt dat hi liet in sinen lesten live van Zuytholland^m; ende ombieden onsen baeliu van Zuythollandⁿ ende onsen scepenen van Dordrecht^o die nu sien of hier na wesen zullen dat si Lizebetten voerseyt jof horen ghewaerden bode die voerseyde X lb. zuarter Tornoyse^p uytpande^q alle jare van alsulken goede alse Ricoud voers. ghelaten heeft in sinen lesten live in Zuytholland^r alse voerscreven es, tote alsulken termine alse haer brieve houden die si hevet van der voerseyder lijftochte.

In orkonde desen brieve etc. Ghegheven tote Dordrecht^s des donresdaghes up den meyen avond int jaer ons Heren M CCC een^t ende twintich.