Registers van de Hollandse grafelijkheid 1299-1345

Graaf Willem III kondigt voor bepaalde tijd een wapenstilstand af tussen die van Roermond en de lieden uit zijn land alsmede tussen die van Roermond en Jan van Bergen, en bepaalt een dag te Utrecht voor een zoen.

De onderstaande tekst is gebaseerd op afschrift B.

Wi Willaem^a grave van Henegouwen^b etc. maken cond allen luden dat wi die^c van Ruremonde enen vrede ghegheven hebben voer onsen luden uyt onsen lande, uyt ghenomen Jan van Berghen^d, van allen twiste die si onderlinghe ghehad hebben, durende tote sinte Louwerens daghe^e toe ende dien dach al naest comende, ende enen vrede hebben doen nemen van Jan van Berghen^f voerseyd toter stede behoef van Ruremonde voers., durende tote onser Vrouwen daghe toe^g te middeoest^h naest comende, ende dien dach al in allen manieren datter tote deser tijd toe ghevreet hevet ghewesen; ende wi hebberⁱ enen dach toe aneghenomen tote Utrecht omme te versoenen up sinte Pieters dach ingaende oest^j naist comende.

In orkonde desen brieve bezeghelt mit onsen zeghele. Ghegheven tote Dordrecht^k up den meyen dach int jaer^l ons Heren M CCC een ende twintich.