Registers van de Hollandse grafelijkheid 1299-1345

Graaf Willem III beleent Jan van der Leede, oudste zoon van de heer van Arkel en van diens echtgenote Kunigonde van Virneburg, met het gerecht, tiende en land van 's-Heer-Aartsberg, mede als lijftocht voor genoemde Kunigonde; de oorkonde wordt meebezegeld door de getuigen heer Jacob bisschop van Zuden, heer Jan van Henegouwen heer van Beaumont, en heer Zweder heer van Abcoude, leenmannen van de graaf.

Vgl. het volgende nr. ZH 93 in het register.

De onderstaande tekst is gebaseerd op afschrift B.

Wi Wllaem^a grave van Henegouwen^b, van Holland^c etc. maken cont allen luden dat wi al dat goed van den Berghe^d, gherechte, tiende ende land, uyt ghenomen tdorp^e tote Ammers, daer onse tollen leghet, binnen desen marken: opwaerd streckende lancs an seren Jans gherechte van Heneghouwen^f ons broders, nederwaerd sceydende te halven slote tusken den Gheer ende Wigghers^g land te velde waerd, sceydende an der Nuwer weteringhe, dat wi selve tonser behoef houden, ende alt goed dat ten Berghe voeseyd toe behoird, oec so waer dat gheleghen es, also groet alset hair Arnoud van den Berghe bezat ende ons ane^h comen is bi Harbaren doet van den Berghe sijns soens, daer die here van Arcle an anetalende was, omme menighen trouwen dienste dieⁱ die here van Arcle voers. ende sine ouders ons ghedaen hebben ende noch^j doen zal, hem zulke gracie ghedaen^k hebben dat wiet verliet hebben ende verlien mit desen brieve Janne van der Leede des heren outste sone van Arcle voerseyt, dien hi heeft bi vrouwe Conighonde van Verrenburch sire vrouwen, sinen wive, van ons ende van onser gravelichede in rechten leene te houden, ende der voerseyder vrouwen Conighonden tote hore lijftochten; ende ghelovense hier in te houden als wi sculdich sien te doene, waerd dat si yement daer an veronrechten^l wilde. Hier over waren onse lieve ende ghetrouwe ^m haer Jacob, bi der ghenaden Goeds bisscop van Zuden, hair Jan van Henegouwenⁿ, here van Biaumonde^o, ende heer Zueder here^p van Abbecoude, onse manne.

Ende omme dat wi willen dat dit vaste ende ghestade blive ghehouden veren Conighonden^q ende Janne van der Leede horen sone voerseyt, so hebben wi ende onse trouwe lude haer Jacob, haer Jan ende heer Zueder^r voers. desen brief open bezeghelt^s mit onsen zeghelen. Ghegheven tote Woudrichem^t op sinte Symon ende Juden avond int jaer ons Heren M CCC een ende twintich.