Registers van de Hollandse grafelijkheid 1299-1345

Graaf Willem III verpacht de tol en de wissel te Dordrecht aan heer Wouter Bau, poorter van Mechelen, en aan Jan heer Gillisz. en Godschalk heer Heinenz, poorters van Dordrecht, voor de tijd van vier jaar, met inachtneming van enkele bepalingen, waaronder de wijze waarop de boetes verdeeld zullen moeten worden.

De onderstaande tekst is gebaseerd op afschrift B.

Wi Willaem^e grave van Henegouwen^f, van Holland^g etc. maken cond etc. dat wi heren Wouter Bau^h, poirter van Machlenⁱ, Jan heren Gillijs^j zone ende Goedscalc heren Heynnen^k zone, onser poirters van Dordrecht^l, verpacht hebben onse tollen ende^m onse wissel binnen onser poirte van Dordrechtⁿ voers. met alsulken rechte alst hair toe comen es tote vier jaren toe naist comende, daer die jaerscaren van der tollen of in ghaen zullen nu op sinte Urbaens dach^o ende van ^p wissel op onser Vrouwen dach midoechst^q naist comende; hier of sullen si ons van pachte jaerlix gheven van der tollen twie hondert pond ende van den^r wissel hondert ende zestich pond, dat coemt drie hondert ende zestich pond Hollands^s elcs jaers^t tevoren int beghinsil ende int eerste van den jare. Ende waer dat binnen deser tijd enich ghemene oirloch worde, dat zouden wi selve versien also dat sijs sonder verlies bleven van den pachte ende van der tijd dat dat durede. Ende van allen boeten die daer of vallen zullen binnen der tijd^u van den pachte boven twintich s., die boete die zullen wi selve hebben die ene helfte ende si lude die ander helfte; ende die ander boeten beneden twintich s., die boete zullen zi op heffen. Vord waer dat zake dat hair Wouter Bau^v voers. ons enich ghelt liende bi onsen open brieven binnen der tijd voers., zoene souden wi hem niet dair uyt doen voer die tijd dat wi hem darof voldaen hadde.

In oirkonde desen brieve etc. Ghegheven Tordrecht^w sonnendaghes na half meye int jaer ons Heren dusend drie hondert twie ende twintich.