Registers van de Hollandse grafelijkheid 1299-1345

Graaf Willem III beleent Jacob Neve en diens echtgenote Aleid heer Jansdr. vrouw Diedwienzoons met het steenhuis genaamd Vreugdenburg te Dordrecht, waarin zij wonen, van welk huis de helft door hen aan hem was opgedragen, terwijl Aleid de andere helft al in leen hield; voorts regelt hij de vererving van het leen.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

De onderstaande tekst is gebaseerd op afschrift B.

Wi Willaem^b grave van^c Heneghouwen^d, van Holland^e etc. maken cond allen luden dat voir ons quamen ende voir onse manne Jacop Neve ende Alijt^f sijn wijf, sheren Jans  dochter veren Diedewijn^g zoens, ende hebben ons op ghedraghe die ene helfte van den stienhuse dat men hiet Vroechdenburch^h ende dair si in ter willeⁱ beyde in woenen binnen Dordrecht^j, wilke voirseyde halve huys wi hem beyden voirseyd weder^k verlijt hebben ende verlienen van ons te houden ende van onsen nacomelinghen tote eenen rechten eerfliene. Ende die ^l ander helfte van desen voirseyden huse, die Alijt^m voirsz. van ons houdende es, die verlie wi Jacop Nevenⁿ ende Aleyde^o sinen wive, bi wille ende bi concente^p Aliden voers., van ons ende van onsen nacomelingen te houden ten rechten eerfliene, in manieren so wie van hem beyden voers. lanxste levet, die zal besitter bliven in desen voerscreven ghehelen huse also^q langhe als hi jof si liven zal; ende tenden^r hoire twier doet voirnoemd^s zoe zal dit voirscreven huys versterven op Jacop^t ende Aliden^u voirseyds erfnamen, alse groet als elc van hoer twier arfnamen dair an gheboren es.

In kennisse van deser dinc hebben wi dese letter bezeghelt met onsen zeghele. Ghegheven int jaer ons Here M CCC^o twie ende twintich op den Jaers dach.