Registers van de Hollandse grafelijkheid 1299-1345

Graaf Willem III beleent zijn knaap Daniel van der Merwede met 100 pond Tournois per jaar uit verschillende goederen en inkomsten bij Oud-Heusden en Genderen, die aan hem waren teruggevallen na de dood van Jan van den Elshout.

Voor de in de tekst van de oorkonde genoemde uitspraak door de heer van Mechelen, de heer van Voorne, de heer van Arkel en Rogier van Leefdaal, zie nr. ZH 112.

De onderstaande tekst is gebaseerd op afschrift B.

Wi Willaem^b grave etc. maken cond etc. dat wi Daniel van der Merewede^c, onsen trouwen knape, om menighen trouwen dienst dien^d hi ons ghedaen hevet ende noch doen zal ghegheven hebben ende gheven met desen brieve tote sinen live onse hondert pond Tornoyse^e sjaers die Jan van den Elshoute^f van ons helt in liene na den zegghen dat die here van Machlen^g, die here van Voirne, die here van Arcle^h endeⁱ hair Rogier^j van Leve dale^k zeyden van der zoene van Hoesdene^l, ende ons Jan van den Elshoute^m voirs. op ghafⁿ ende belovede^o te voldone, bewist^p ende opghedraghen heeft, ane vive ende viertich morghen lands legghende toit Oude Hoesdene die waren ^q heren Clays van der Merewede^r, ende an een ende twintich morghen lands legghende in den Waert^s tot Oude Hoesden^t die waren ^u Gheraerds^v van der Wike, ende an zestien pond^w zuarter^x Tornoyse^y sjaers an Arnouds erve van Kolen legghende te Ghenderen^z, die ons ane verstorven sien bi Jans doet van den Elshoute^a' voirseyd.

In oirkonde etc. Ghegheven tote Broessele^b' des zonnendaghes na sinte Jans dach te^c' middesomer int jaer ons Heren^d' M CCC drie ende twintich.