Registers van de Hollandse grafelijkheid 1299-1345

Graaf Willem III bekrachtigt de schenking door heer Dirk Loef van Kleef, graaf van Hülchrath, aan diens echtgenote vrouw Machteld, dochter van de heer van Voorne, van 200 pond zwarten Tournois per jaar uit de tol van Ammers, en regelt de betaling en vererving van dit renteleen; heer Dirk zegelt de oorkonde mede.

Dezelfde oorkonde is tegen het einde van het register Zuidholland nogmaals ingeschreven; zie nr. ZH 486. De onderstaande tekst is gebaseerd op afschrift B; de tekstuele varianten uit nr. ZH 486 zijn in de noten opgenomen met de siglen D en E.

Vgl. nr. ZH 16.

Wi Willaem^a grave^b van Henegouwen^c, van Holland^d etc.^e maken cond allen luden^f dat mijn here Dirc^g Loef van Cleve, grave van Hilkenrode^h, onse lieve neve, ghemaket hevet bi onsen concente ende met onsen hand na den rechte ende costume van den lande verenⁱ Machtilden^j, dochter ons liefs neve des heren van Voirne, sinen wittachtighen wive, te besitten ende op te heffen twie hondert pond zuarter Tornoyse^k sjaers in ^l onsen tollen^m teⁿ Ammers, van drien hondert ponden zuarter Tornoyse^o sjaers voirscreven payments die hi van ons houdende es in die zelve tolne^p. Ende dese twie hondert pond sjaers zal si^q veerMachtild^r houden ende op^s heffen also langhe^t als si^u levet in onse tolne voirnoemd^v, ende die zal si^w of hair ghewaerde bode altoes ontfaen op sinte Martijns^x dach in den winter^y, voir yemande ende van den ghereesten^z dat daer vallet; ende waer dat haer niet al vol betailt en ware op dien sint Martijns^a' dach die twie hondert pond voerscreven, zo zal hair ghewaerde bode legghen in die tolne voirseyd sonder hare coste, des si vol ende al betaelt ware. Ende ghebrake hairs ver Machtilde^b'c', so soude ^d' hair wittachtighen^e' kinder die si bi haren Dierc^f' Loeve ghewonnen hadde dese twie hondert pond ^g' houden ende op heffen; waer oec dat zake^h' dat si verMachticlt^i' aflivich^j' worde jof dat die kinder storven die si liet bi heren Dierc^k' Loeven^l' sonder wittachtich oer van haren live^m', ende si en^n' ghien kinder en^o' liet levende bi haren Dierc^p' Loeve voirs., so soude dese twie hondert pond ^q' sjaers comen op den heren van Voirne^{r' s'} of op sine wittichtighe^t' kinder in manieren^u' voirscreven. Ende wie dit voirseyde lien besitten zal, die zalt van ons in lienrochte^v' houden^w'.

Ende want wi dit voirseyde lien ver Machtilde^x' verliet hebben in alre^y' manieren alse^z' voirs. es, so hebben wi desen brief bezeghelt met onsen zeghele. Ende wi Dieric Loef^a'' van Cleve, grave^b'' van Hilkenrode voirnoemd, want wi dese twie hondert pond^c'' sjaers voirs. ver^d'' Machtilde^e'' onsen wive voirnoemd ghemact hebben in alre manieren alst vorscreven es voir enen edelen prenche ende moghenden, onsen lieven here den grave^f'' van Henegouwen^g'' ende van Holland^h'' voirseyd, ende met siere hand, so hebben wi in kennessen der waerheyt onsen zeghel an desen tyeghewoirdighen ^i'' brief metten sinen ghehangen. Dit was ghedaen in Middelburch^j'' des manendaghes na Paesch dach int jaer ons Heren^k'' M CCC drie ende twintich^l''.